ДОРНЫН ЗУРХАЙ: Энэ өдөр үс засуулбал эд, малтай болно

ӨВЛИЙН ДУНД ХАР ХУЛГАНА САРЫН ГУРВАН ХӨХ МЭНГЭТЭЙ ХАРАГЧИН ҮХЭР ӨДӨР

• Аргын тооллын: 2022.12.26 / Даваа гараг
• Билгийн тооллын: 3
• Үс засуулвал: Эд мал баялаг төгөлдөр болно.
• Наран ургах, шингэх: 08.41-17.04
• Барилдлага: Идэр   
• Шүтэн барилдлага: Хуран үйлдэхүй   
• Суудал: Уул

Энэ өдөр тахиа, могой жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, мал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу.

Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал эд, малтай баялаг төгс болно.