ДОРНЫН ЗУРХАЙ: Хулгана, бич жилтнээ ЭЕРЭГ сайн

Аргын тооллын 1 сарын 22, Адъяа гараг. Билгийн тооллын 1

ӨВЛИЙН АДАГ ХАРАГЧИН ҮХЭР САРЫН ГУРВАН ХӨХ ЦАГААН ЛУУ ӨДӨР

• Үс засуулвал: Нас ахар болно
• Наран ургах, шингэх: 08.32-17.36
• Барилдлага: Түлэх   
• Шүтэн барилдлага: Мунхрахуй   
• Суудал: Гал

Булаагч одтой одтой, цагаан луу өдөр. Энэ өдөр хулгана, бич жилтнээ аливаа үйлийг хийхэд эерэг сайн. Эл өдөр гэмтнийг шийтгэх, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойшоо мөрөө гаргавал зохистой. Үс шинээр үргээлгэх буюу засуулахад тохиромжгүй.