ДОРНЫН ЗУРХАЙ: Бар, морь жилтнээ ЭЕРЭГ сайн

Аргын тооллын 1 сарын 28, Санчир гараг. Билгийн тооллын 7

ӨВЛИЙН АДАГ ХАРАГЧИН ҮХЭР САРЫН ЗУРГААН ЦАГААН УЛААН НОХОЙ ӨДӨР

• Үс засуулвал: Хэл ам,хэрүүл тэмцэл ирнэ.
• Наран ургах, шингэх: 08.25-17.45
• Барилдлага: Үл тохирох   
• Шүтэн барилдлага: Сэрэхүй   
• Суудал: Мод

Шийдэм од, улаан нохой өдөр. Энэ өдөр бар, морь жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, хүүхэд хөлд оруулахад муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойшоо мөрөө гаргавал зохистой. Үс шинээр үргээлгэх буюу засуулахад тохиромжгүй.