ДОРНЫН ЗУРХАЙ: Үс засуулбал сайн нөхөртэй учирна

ӨВЛИЙН АДАГ ХАРАГЧИН ҮХЭР САРЫН ГУРВАН МЭНГЭТЭЙ ХӨХ ШАР НОХОЙ ӨДӨР

• Билгийн тооллын: 19
• Аргын Тооллын: 2023.02.09 / Пүрэв Гараг
• Үс засуулвал: Сайн нөхөртэй нөхөрлөнө
• Наран ургах, шингэх: 08.09-18.04
• Барилдлага: Хотол чуулган   
• Шүтэн барилдлага: Сансар   
• Суудал: Төмөр

Энэ өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” хэмээх сайн.