ДОРНЫН ЗУРХАЙ: Энэ өдөр үс засуулбал идээ, ундаа элбэг болно

ӨВЛИЙН АДАГ ХАРАГЧИН ҮХЭР САРЫН ЕСӨН УЛААН МЭНГЭТЭЙ ЦАГААГЧИН ҮХЭР ӨДӨР

• Аргын тооллын: 2023.02.12 / Ням гараг
• Билгийн тооллын: 22
• Үс засуулвал: Идээ ундаа элбэг олдоно
• Наран ургах, шингэх: 08.04-18.09
• Барилдлага: Хүчин төгсөх   
• Шүтэн барилдлага: Сэрэхүй   
• Суудал: Уул

Энэ өдөр тахиа, могой жилтнээ аливаа үйлийг хийхэд эерэг сайн. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хишиг даллага дуудуулах, насан бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх, байшингийн суурь тавих, угаал үйлдэхэд муу.

Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.