ДОРНЫН ЗУРХАЙ: Үхэр, могой жилтнээ ӨЛЗИЙТЭЙ сайн

Аргын тооллын 3 сарын 4, Санчир гараг. Билгийн тооллын 12,

ХАВРЫН ТЭРГҮҮН ХӨХ БАР САРЫН ДОЛООН УЛААН МЭНГЭТЭЙ, ЦАГААГЧИН ТАХИА ӨДӨР

• Үс засуулвал: Өвчин эмгэг ирнэ.
• Наран ургах, шингэх: 07.28-18.40
• Барилдлага: Түлэх   
• Шүтэн барилдлага: Мунхрахуй   
• Суудал: Шороо

Аргын тооллын 3 сарын 4, Санчир гараг. Билгийн тооллын 12, Найралт эх одтой, цагаагчин тахиа өдөр. Энэ өдөр үхэр, могой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр гэмтнийг шийтгэх, гарагийг тахих, хагалгаа хийлгэх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвлөгөөн хийх, байшингийн суурь тавих, угаал үйлдэхэд муу.

Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойт зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.