ДОРНЫН ЗУРХАЙ: Өр барагдуулахад ӨЛЗИЙТЭЙ сайн
Аргын тооллын 5 сарын 11, Бархасвадь гараг. Билгийн тооллын 21
ХАВРЫН АДАГ УЛААН ЛУУ САРЫН ХОЁР ХАР ШАРАГЧИН МОГОЙ ӨДӨР
- Үс засуулвал: Өвчин ирнэ
- Наран ургах, шингэх: 05.20-20.18
- Барилдлага: Үл тохирох
- Шүтэн барилдлага: Төрөхүй
- Суудал: Уул
Аргын тооллын 5 сарын 11, Бархасвадь гараг. Билгийн тооллын 21, Элдэв тэнгэртэн одтой, шарагчин могой өдөр. Өдрийн наран 5 цаг 20 минутад мандан, 20 цаг 18 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу.
Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
Холбоотой мэдээ
Сэтгэгдэл ( 0 )