ДОРНЫН ЗУРХАЙ: Буян номын үйл эхлэхэд ӨЛЗИЙТЭЙ сайн
Аргын тооллын 6 сарын 15, Бархасвадь гараг. Билгийн тооллын 27
ЗУНЫ ТЭРГҮҮН УЛААГЧИН МОГОЙ САРЫН ГУРВАН ХӨХ ХӨХ ЛУУ ӨДӨР
- Үс засуулвал: Өлзийтэй сайн
- Наран ургах, шингэх: 04.52-20.53
- Барилдлага: Хүчин төгсөх
- Шүтэн барилдлага: Сэрэхүй
- Суудал: Гал
Аргын тооллын 6 сарын 15, Бархасвадь гараг. Билгийн тооллын 27, Нэгэн эхийн зургаан хөвгүүн одтой, хөх луу өдөр. Өдрийн наран 4 цаг 52 минутад мандан, 20 цаг 53 минутад жаргана.
Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу.
Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
Холбоотой мэдээ
Сэтгэгдэл ( 0 )