ДОРНЫН ЗУРХАЙ: Энэ өдөр өглөгийн түллэг хийх, хишиг дуудуулахад сайн

ӨВЛИЙН ДУНД ХӨХ ХУЛГАНА САРЫН НАЙМАН ЦАГААН МЭНГЭТЭЙ УЛААН БАР ӨДӨР

• Аргын тооллын: 2024.01.03, Лхагва гараг
• Билгийн тооллын: 22
• Үс засуулвал: Идээ ундаа элбэг олдоно
• Наран ургах, шингэх: 08.42-17.11
• Барилдлага: Үл зохилдох
• Шүтэн барилдлага: Хүрэлцэхүй
• Суудал: Төмөр

Энэ өдөр нохой жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.