ДОРНЫН ЗУРХАЙ: Үс засуулбал өлзийтэй сайн

Аргын тооллын 2 сарын 24, Санчир гараг. Билгийн тооллын 15

ХАВРЫН ТЭРГҮҮН УЛААН БАР САРЫН НЭГ ЦАГААН МЭНГЭТЭЙ, ШАР МОРЬ ӨДӨР

• Үс засуулбал: Өлзийтэй сайн
• Наран ургах, шингэх: 07.44-18.27
• Барилдлага: Түлэх   
• Шүтэн барилдлага: Хүрэлцэхүй   
• Суудал: Мод

Аргын тооллын 2 сарын 24, Санчир гараг. Билгийн тооллын 15, Их морь одтой, шар морь өдөр. Өдрийн наран мандах, жаргах цаг нь 7:44-18:27. Тухайн өдөр бар, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр гэмтнийг шийтгэх, угаал үйлдэх, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийхэд муу.

Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал өлзийтэй сайн.