Ганцмод-Гашуунсухайтын төмөр замын бүтээн байгуулалт ирэх долоо хоногт эхэлнэ

Өнгөрөгч дөрөвдүгээр сарын 23-ны өдрийн Засгийн газрын хуралдаанаар Ганцмод-Гашуунсухайтын төмөр замын бүтээн байгуулалтыг энэ сарын 14-ны дотор багтаан эхлүүлэх шийдвэр гарсан. 

Тодруулбал, Гашуунсухайт-Ганцмод боомтын хил дамнасан төмөр замын бүтээн байгуулалтын явцын талаар Зам, тээврийн сайд Б.Дэлгэрсайхан Засгийн газрын гишүүдэд танилцуулсан.. Танилцуулгатай холбогдуулан тус бүтээн байгуулалтын ажлыг 2025 оны тавдугаар сарын 14-нд багтаан эхлүүлж, төлөвлөгөө гарган ажиллахыг Ерөнхий сайд Л.Оюун-Эрдэнэ холбогдох албаны хүмүүст даалгаж, төмөр замын барилгын бүсэд техник, тоног төхөөрөмж, барилгын болон өдөр тутмын бараа материалыг улсын хилээр нэвтрүүлэх зохицуулалт хийж, БНХАУ-ын талтай уялдаа холбоог хангаж, бүтээн байгуулалтын ажилд дэмжлэг үзүүлэх нь чухал гэдгийг анхааруулсан юм.