МИАТ ТӨХК 11 дэх удаагийн IOSA шалгалтад амжилттай шалгууллаа

Ж.Сондор | Zindaa.mn
2026 оны 06 сарын 29

 

МИАТ ТӨХК 2026 оны IATA Operational Safety Audit (IOSA) шалгалтыг амжилттай давж, олон улсын аюулгүй байдлын стандарт шаардлагуудыг хангаж байгаагаа дахин баталгаажууллаа.

Энэ удаагийн аудит нь Risk-Based IOSA (RBI) аргачлалаар хийгдсэн бөгөөд зөвхөн баримт бичгийн нийцлийг бус, байгууллагын эрсдэлийн удирдлага, бодит үйл ажиллагааны хэрэгжилт, процессын үр нөлөө, удирдлагын тогтолцоонуудын төлөвшлийг цогцоор нь үнэлэн шалгасан юм.

Аудитын бэлтгэл ажлыг компанийн бүх газар, нэгжийн хамтын оролцоотойгоор батлагдсан төлөвлөгөөний дагуу зохион байгуулж ажиллав.

Бэлтгэл ажлын хүрээнд:

  • Компанийн 30 гаруй заавар, журмыг IOSA ISM Edition 18 Revision 1-ийн шинэчлэгдсэн шаардлагад нийцүүлэн шинэчилж, сайжруулав.
  • 925 ISARP шаардлагын хэрэгжилтийг нэг бүрчлэн үнэлж, шаардлагатай нотлох баримт, бүртгэл, хэрэгжилтийг баталгаажуулав.
  • RBI аргачлалын дагуу үйл ажиллагааны эрсдэлийг үнэлж, аудитаар гол анхаарах чиглэлүүдэд процессын үнэлгээ хийв.
  • Үйл ажиллагааны бүх чиглэлээр дотоод аудит, баримт бичгийн хяналт, процессын үнэлгээ хийж, илэрсэн асуудлуудад залруулах болон урьдчилан сэргийлэх арга хэмжээг авч хэрэгжүүлэв.
  • Удирдах ажилтнууд болон нийт ажилтнуудад чиглэсэн сургалт, ярилцлага, мэдлэг бататгах үйл ажиллагааг зохион байгуулж, аудитын бэлэн байдлыг хангав.
  • IOSA Maturity Assessment (MA)-ийн шаардлагын хүрээнд компанийн аюулгүй байдлын удирдлага болон чанарын удирдлагын тогтолцооны төлөвшлийг үнэлж, холбогдох процессуудыг олон улсын шилдэг туршлагад нийцүүлэн хөгжүүлэв.

IOSA гэрчилгээний ач холбогдол:

Энэхүү гэрчилгээ нь агаарын тээвэрлэгчийн үйл ажиллагаа IATA-ийн олон улсын аюулгүй байдлын стандартыг хангаж байгааг баталгаажуулсан, дэлхий нийтэд хүлээн зөвшөөрөгдсөн үнэлгээ юм. IOSA гэрчилгээ эзэмшсэнээр  нислэг үйлддэг орнуудын эрх бүхий байгууллагын хяналт, үнэлгээ, даатгалын эрсдэлийн үнэлгээ, олон улсын хамтын ажиллагаанд эерэг нөлөө үзүүлэхийн зэрэгцээ код шэйр, интерлайн гэрээ байгуулах, шинэ зах зээлд үйл ажиллагаагаа тэлэх, зорчигч, харилцагчдын итгэлийг нэмэгдүүлэхэд чухал ач холбогдолтой юм.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
OYUN (105.119.13.81)  2026 оны 06 сарын 30

ШУУД МЭДЭЭ Энэ нь Адити Апрадхан эмнэлгийн эмнэлэг бөөрөө 780,000 ам.доллараар зарахаар 100% бэлэн байгаа эрүүл бөөрний доноруудыг яаралтай хайж байгааг олон нийтэд мэдэгдэх зорилготой юм. Сонирхсон хандивлагчид манай имэйл хаягаар холбогдоно уу: DR.PRADHAN.URO LOGIST.LT.COL@GMAIL. COM бид танд хамгийн их сэтгэл ханамжийг амлаж, таны яаралтай шаардлагыг хүлээж байна, учир нь манай өвчтөнүүд бөөр шилжүүлэн суулгах мэс заслыг маш их хүлээж байна. Хүнд этгэсэн. IF YOU WANT TO DONATE YOUR KIDDEY FOR $ 780,000.OOUSD CONTACT THIS HOSPITAL EMAIL: DR.PRADHAN.UROLOGIST.LT.COL@GMAIL.COM\n

0  |  0
Top