Наадмын хуушуур 600-1000 төгрөгийн үнэтэй байна

Наадмыг хуушуургүйгээр төсөөлөхын аргагүй билээ.  Энэ жилийн хувьд наадмын хуушуур орц, хэмжээ, зарж байгаа байршлаасаа шалтгаалан 600-1000 төгрөгөөр худалдаалагдаж байна. Гэхдээ ихэнх газарт  800 төгрөгөөр худалдаалж байгаа бөгөөд очёр ихтэй байгаа юм.  Өмнөх жилүүдийг бодвол энэ жилийн хуушуур харьцангуй мах ихтэй байсан  бөгөөд хэрэглэгчид ч ам сайтай байна.

Мөн цагаан хоолтнуудад зориулсан махгүй төмстэй хуушуур 700-800 төгрөгөөр худалдаалагдаж байлаа.

Дашрамд дурьдахад  хоёр жилийн өмнө наадмын хуушуур 400-500 төгрөгийг үнэтэй байсан бол өнгөрсөн жил 600 төгрөгийн ханштай байсан юм.

Ингээд наадмын хуушуурны  “царайг” уншигч та бүхэн өөрсдөө шинжинэ биз ээ.

Д.Төгс

А.Баярмаа