Карла Бруни: Нөхөр минь хүнд цохилтуудыг даван туулж байна
Францын Ерөнхийлөгч асан Николь Саркозиг энэ сарын 20-нд баривчилсан билээ. Түүнийг 2007 онд сонгуулийн кампанит ажлынхаа үеэр Ливийн Засгийн газраас хууль бусаар санхүүжилт авсан гэж буруутгаж буй. Н.Саркози 2007 онд Францын Ерөнхийлөгч болж, 2012 онд халаагаа өгсөн. 2011 онд Ливийн удирдагч агсан Муаммар Каддафигийн хүү Саиф-аль-Ислам эцэг нь Николь Саркозиг ивээн тэтгэсэн гэж мэдээлснээр Францын Ерөнхийлөгчийг хууль бус хэрэгт сэжиглэх болсон билээ.
Сүүлд нь Н.Саркози үүнийг үгүйсгэж, түүний нэрийг буруутан биш гэрч болгож өөрчилж, нэр төрийг нь сэргээж өгөхийг хүсч шүүхэд хандсан юм. Тэрбээр өөрийг нь ямар ч баримт нотолгоогүйгээр баривчилсан гэж үзэж байгаа аж.
Дээрх асуудлаар Н.Саркозигийн эхнэр Карла Бруни мөн ам нээжээ. Тэрбээр нөхөр нь ямар ч буруугүй гэдгийг хэлээд түүнийг дэмжсэн постыг цахим хуудсандаа оруулсан байлаа. Францын экс Тэргүүн хатагтай “Хайр минь, чамаар бахархаж байна. Чи маш хүчтэй, түүн шигээ үнэн хүн. Бүх цохилтыг даван туулж байгаа чамаараа бахархаж байна. Чи үргэлж хөл дээрээ бат зогсдог. Хувь тавилангийн бүх л цохилтыг даван туулж байна” гэжээ.
Сэтгэгдэл ( 4 )
*** байсиймоо
yanhn baisiimoo
sxn tsarailag xoorxon uxaantai busgui bna.
Tun saihan huuhen.