Арнолд Шварценеггерт яаралтай мэс засал хийжээ
Америкийн жүжигчин, Калифорниа мужийн захирагч асан Арнолд Шварценеггер Лос-Анжелест зүрхний мэс засалд оржээ. Тэрбээр мэс засал амжилттай болсны дараа эмч, сувилагч нарт талархал илэрхийлж буйгаа “Twitter” хуудсандаа бичсэн байна. “Би эргэн ирлээ. Би унтаад сэрлээ. Эмч, сувилагч нартаа баярлалаа. Бас та бүхнийхээ илгээсэн сайхан мессежүүдэд талархаж байна” гэж тэрбээр бичжээ.
Өдгөө 70 настай Шварценеггерт зүрхний мэс заслыг яаралтай хийх хэрэгтэй болсон байна. Тэрбээр хэдхэн хоногийн өмнө Австралийн Мельбурн хотод сонирхогчдын бодибилдингийн тэмцээнд ирж, шагнал гардуулсан билээ. Бодибилдингийн тамирчдаас дутахааргүй биетэй Шварценеггер дасгал сургуулилтын ачаар өөрийгөө 70 настай бус 40-тэй мэтээр мэдэрдэг гэж ярьж байсан юм.
О.Саша
Холбоотой мэдээ
Copyright © 2010 - 2026 Zindaa.mn Developed by mCast LLC
Сэтгэгдэл ( 0 )