Хүүхдүүдэд зориулсан порно хийсэн жүжигчин 22 жилийн ял сонслоо
Цирк болон киноны жүжигчин, йогийн мастер Мухтар Гусенгаджиев чанга дэглэмтэй хорих ангид 22 жилийг өнгөрүүлэхээр болжээ. Тэрбээр хүүхдүүдэд зориулсан порно хийсэн гэж буруутгагдсан байна. Өдгөө 53 настай Мухтар Гусенгаджиевт мөн сэтгэлзүйн эмчилгээ хийх аж.
Оросын хэвлэлүүдэд мэдээлж байгаагаар жүжигчин буруугаа хүлээхгүй байгаа гэнэ. “Миний байрыг авах гэсэн хүмүүс (тэрбээр дүүгийнхээ хүүхдүүдийг хэлсэн бололтой) намайг гүтгэж байна” гэж жүжигчин эр ярьжээ. Түүнийг 2015 онд баривчилсан билээ. Мухтар Гусенгаджиевийг есөн настай охин Ксюшаг найзуудынх нь хамт уруу татсан гэж буруутгасан юм. Гэвч түүний танилууд нь Мухтарыг порно бичлэг хийх хүн биш гээд, буруугүй гэдэг нь удахгүй тогтоогдоно гэдэгт итгэж байжээ. Харин 2016 оны зун түүнийг өөр олон хүүхэдтэй порно дүрс бичлэг хийж байсныг нь тогтоожээ.
Дагестанд төрсөн Мухтар Гусенгаджиев нь олон кинонд дүр бүтээсэн төдийгүй Гиннессийн амжилтын номд Дэлхийн хамгийн уян хатан хүн гэж бүртгэгдсэн билээ. Тэрбээр йогийн мастер юм.
Жүжигчин эр өмнө нь 1986 онд гурван жилийн хорих ял сонсч байжээ. Гудамжинд зодоон хийсэн хэргээр түүнийг ийнхүү яллаж байсан аж.
Сэтгэгдэл ( 6 )
Маш гоё бна
Zawaan nogoon
Manai dashzevegiin orooson dugui bna
Шорондоо тарчилж үхмэр
zabaan uym be sejgiin cnotgor bna daa
хүн төрөхтэй чөдгөр байж ээ,,