Бүртгэлтэй ажилгүй иргэдийн тал хувь нь 15-34 насны залуус байна

Он гарснаас хойш эхний найман сарын байдлаар бүртгэлтэй ажилгүй иргэдийн 57.5 хувийг 15-34 насны залуус эзэлж байгаа судалгаа гарчээ. Харин бүртгэлтэй ажилгүй иргэдийн тоо 23.1 мянгад хүрч өнгөрсөн оны мөн үеэс 8.8 хувиар буурсан байна.

Дэлхийн банкны зүгээс оюутан, залуусын цагийн ажил хийх нөхцөл бололцоогоор хангах, тухайн оюутан сурч байх хугацаандаа ажлын байрт зуучлагдах боломжтой байх нь залуусын дундах ажилгүйдлийг бууруулна гэж дүгнэж байгаа ажээ. Монгол Улсын Засгийн газар 2020 он хүртэл ажил эрхлэлтийг нэмэгдүүлэх бодлогын хүрээнд “Залуучуудын хөгжлийн газар”-г байгуулсан билээ.

Ажилгүйдлийн түвшин оны эхний хагаст 7.5 хувьтай гарсан нь өмнөх оны үзүүлэлтээс 2.4 хувиар буурсан байна.

Б.Азаа

zindaa.mn