ӨНӨӨДӨР: Хүүхдийн хараа хамгаалах өдрийг тэмдэглэх талаар мэдээлэл хийнэ

09:30 цагт

• ҮНДСЭН ХУУЛИЙН ЦЭЦИЙН хуралдаанаар Шүүхийн шийдвэр гүйцэтгэх тухай хуулийн зарим заалт Үндсэн хууль зөрчсөн эсэх асуудлыг хянан хэлэлцэнэ. 

11:00 цагт

• "Намрын ногоон өдрүүд" нэгдсэн арга хэмжээний Мишээл экспо төвд Жимс, жимсгэний хөтөлбөрийн хүрээнд "Хүнсний ногоо, жимс бидний амьдралд" сэдэвчилсэн урлагийн арга хэмжээ, Хүнсний ногоо хөтлбөрийн хүрээнд шинэ сортын ногоогоор хоол хийх үзүүлбэр, "Алсыг хар-органикийг сонго" хэлэлцүүлэг, "Хоол үйлдвэрлэл, үйлчилгээний салбарын эрх зүйн орчин" сэдэвт хэлэлцүүлэг болно. Утас: 8001-9000

• Анагаахын Шинжлэх Ухааны Үндэсний Их Сургуулийн хоёр давхарын хурлын зааланд Анагаахын Шинжлэх Ухааны Үндэсний Их Сургууль, JICA, Yamashita Sekkei байгууллагууд нь Япон улсын буцалтгүй тусламжаар баригдаж буй Япон Монголын Сургалтын эмнэлгийн төслийн барилгын ажлын гүйцэтгэл болон барилгын ажлын гүйцэтгэлийн шинэчилсэн төлөвлөгөөг танилцуулах хэвлэлийн бага хурал болно. Утас: 98000085 Б.Лагшми

• MN-Мэдээллийн төвд Монгол Улсын хэмжээнд хүүхдийн хараа хамгаалах өдрийг тэмдэглэн өнгөрүүлэх талаар ЭХЭМҮТ-өөс мэдээлэл хийнэ. Хэвлэлийн хуралд ЭХЭМҮТ-ийн Хүүхдийн эмнэлгийн захирал Ц.Алтантуяа, Хүүхдийн нүд судлал, хяларын нийгэмлэгийн тэргүүн ЭХЭМҮТ-ийн нүдний мэс засалын тасгийн /НМЗТ/ зөвлөх эмч М.Алтанхүү, НМЗТ-ийн эрхлэгч Г.Нансалмаа, их эмч Ч.Цэнгэлмаа, их эмч М.Шамсия нар оролцоно.

• Автотээврийн үндэсний төв ТӨҮГ-аас “Бид өвөлд бэлэн” өдөрлөгийг зохион байгуулах гэж байна. Тус өдөрлөгөөр цаг агаарын онцгой нөхцөл байдалд автозам болон төмөр зам, онцгой байдал зэрэг байгууллагуудтай хэрхэн хамтран ажиллаж, өвөлжилтийн бэлтгэл ажлаа хангасан талаараа танилцуулна. Хаана: “Хараацайн жигүүр” ХХК-ийн байр. /Төв цэвэрлэх байгуулмжийн зүүн талд/ Утас: 99101432

14:00-17:00 цагт

• “Эерэг, аюулгүй, хариуцлагатай цахим орчин-Залуучуудын оролцоо” сэдэвт хэлэлцүүлэг нийслэлийн Иргэний танхимд болно. Зохион байгуулагч: Нийслэлийн Залуучуудын хөгжлийн газар, Харилцаа холбооны зохицуулах хороо, ЦЕГ-ын газрын Урьдчилан сэргийлэх хэлтэс, МУБИС-ийн Нийгэм, Хүмүүнлэгийн ухааны сургууль, бусад их, дээд сургууль, Хэвлэлийн хүрээлэн ТББ, Хэвлэл мэдээллийн зөвлөл ТББ Утас: 89017101

15:00 цагт 

• Засгийн газрын XI байранд Төрийн соёрхолт, Ардын жүжигчин, УДЭТ-ийн Уран сайхны удирдагч Н.Сувд “Урлагаар дамжуулан хүний эрхийн боловсрол олгох нь” сэдвээр лекц уншина.