ӨНӨӨДӨР: “Сэтгүүлч ордон”-ы шав тавих ёслол болно

08:30 цагт

• Тусгаар тогтнолын ордонд Дэлхийн аялал жуулчлалын өдөрт зориулсан семинар болно. Семинарт дүүргүүдийн ЕБС-уудын 12 дугаар ангийн сурагчид оролцох юм.

09:00 цагт

• “Holiday” зочид буудлын 2 давхарын хурлын танхимд Олон улсын хөдөлмөрийн эв санааны нэгдлийн төв / ICLS-International center for labour solidarity/ -ийн “Mongolia labour forum-2018” ээлжит хуралдаан болно. Хуралдаанаар “Тээврийн салбар дахь автоматжуулалт”, “Цалин хөлсний зөрүүний тухай асуудал”, “Эмэгтэйчүүд болон Залуучуудын эвлэлдэн нэгдэх үйл ажиллагаа”, “Олон улсын хөдөлмөрийн эв санааны нэгдлийн хөдөлгөөний цаашдын зорилго” зэрэг олон улсын Үйлдвэрчний эвлэл, хөдөлмөрийн харилцаанд тулгамдаж буй асуудлуудаар илтгэл хэлэлцүүлэг явагдаж тодорхой шийдвэрүүдийг гаргаж, улс бүрийнхээ засгийн газар, ажил олгогч эздийн холбоодод хүргүүлэх юм. Утас: 9909 1674, 8611 4818

• “ДЦС-4” ТӨХК дээр “ШИНЭ ТЕХНИК, ТЕХНОЛОГИ-ҮР АШИГ” сэдэвт эрчим хүч үйлдвэрлэгчдийн нэгдсэн зөвлөгөөн болно. Зөвлөгөөнд Эрчим хүчний яам, Эрчим хүчний зохицуулах хороо болон дулааны цахилгаан станцууд, нар, салхи, усан цахилгаан станцын төлөөлөл оролцоно. Цахилгаан эрчим хүчний хангамж, хэрэглээ, импорт, аюулгүй байдал, шинээр баригдах эх үүсвэрүүдийн талаар дэлгэрэнгүй мэдээлэл авах боломжтой. “ДЦС-4” ТӨХК нь улсын онцгой обьект тул урьдчилж нэр өгч нэвтрэх шаардлагатай. Утас: 99115624

• Улсын бүртгэлийн ерөнхий газар улсын бүртгэгч нарт зориулсан холбогдох сургалтыг зохион байгуулна. Сургалт Corporate зочид буудлын Улаанбаатар танхимд болно. Утас: 95787820, 91079222

10:20 цагт

• Монголбанк болон Монголын Мэргэшсэн Нягтлан Бодогчдын Интститут нь “Олон нийтийн санхүүгийн суурь мэдлэгийг дээшлүүлэх хөтөлбөр”-ийн хүрээнд "Хамтын ажиллагааны санамж бичиг" байгуулна. Санамж бичигт гарын үсэг зурах ёслол Монголбанкны хэвлэлийн бага хурлын танхимд болно.

11:00 цагт

• “Сэтгүүлч ордон”-ы шав тавих ёслолтой холбогдуулан ПУМА империал зочид буудлын хурлын танхимд МСНЭ-ээс Хэвлэлийн бага хурал зарлалаа. Мөн энэ үеэр “1000 сэтгүүлчийн орон сууц хөтөлбөр” хэрэгжиж эхлэхэд бэлэн болсон талаар мэдээлэл өгнө. Хэвлэлийн бага хурлын дараа нэгдсэн унаагаар “Сэтгүүлчдийн ордон”-ы шав тавих газар очно. Утас: 99736725

11:30-12:30

• БХБЯ-ны 3 давхард хурлын танхимд“МОНГОЛ УЛСЫН ХҮН АМЫН НУТАГШИЛТ, СУУРЬШЛЫН ХӨГЖЛИЙН ЕРӨНХИЙ ТӨСӨЛ” боловсруулах гэрээнд гарын үсэг зурах, хэвлэлийн хурал болно.

11:40 цагт

• Дархан аварга Жигжидийн Мөнхбатын үүсгэн байгуулсан "Их шавь" дэвжээ, спорт сургалтын төвийн шинэ байрны нээлт болно. Нээлтэд их аварга Хакүхо М.Даваажаргал, үе үеийн олимп, дэлхийн медальтнууд, МҮОХ, БТСГ-ын төлөөлөл, үндэсний бөхийн аваргууд, жүдо, самбо, чөлөөт бөхийн холбоод, спортын алдартнууд оролцоно. Утас: 8888-5858

14:00 цагт

• Улсын дээд шүүхийн Иргэний хэргийн танхимд УБТЗ-ын нэхэмжлэлтэй Л.Пүрэвбаатарт холбогдох хэргийг хянан хэлэлцэнэ. Энэ оны 04-р сарын 11-ний өдөр Нийслэлийн давж заалдах шатны шүүхэд УБТЗ-ын дарга асан Л.Пүрэвбаатарт холбогдох шүүх хурал болж, түүний эзэмшиж байгаа 1,5 тэрбум төгрөгийн үнэтэй хуасыг УБТЗ-ын мэдэлд буцаан олгох шийдвэр гарсан юм. Энэхүү шийдвэрийг эсэргүүцэж Л.Пүрэвбаатар нь Улсын дээд шүүхэд гомдол гаргасан байна. Л.Пүрэвбаатар нь УБТЗ-ын даргаар хоёр жил ажиллахдаа УБТЗ ХНН-ын хөрөнгөөр хувьдаа Зайсанд 1.5 тэрбум төгрөгийн үнэтэй хаус захиалан бариулж эзэмшиж байгааг “”УБТЗ” ХНН хууль бус үйлдэл хэмээн үзэж шүүхэд хандсан юм. Утас: 86114818