Дэлхийн гэрэл зурагчид Монголд чуулна

Монгол орны нийгэм, хүн зоны амьдрал, хүрээлэн буй орчин, байгаль, өв соёл, ёс уламжлалыг олон улсад сурталчлан таниулах, гадны хэвлэл мэдээллийн архив дахь Монгол Улсын тухай гэрэл зургийг шинэчлэх, өргөжүүлэх, эерэгээр харуулах гэсэн зорилготой ОХУ (Итас Тасс, Риа Новости), БНХАУ (Xinhua), Япон (Kyodo News), БНСУ (Korean central), Герман (DW), Монголын хэвлэлийн гэрэл зурагчид зэрэг олон улсын болоод дотоодын гэрэл зурагчдын хамтарсан “Өнөөдрийн Монгол” төсөл 2018 оны аравдугаар сарын 8-15-ны хооронд хэрэгжих гэж байна.

Гэрэл зурагчид Улаанбаатар, Дархан-Уул, Орхон, Өмнөговь аймгийн чиглэлд танилцах аялал хийж, зураг авахаар болжээ. Аяллын туршид авсан гэрэл зургуудаа 2018 оны аравдугаар сарын 14-нд Уран зургийн галлерейд үзэсгэлэнд гаргахаар болжээ.

"Өнөөдрийн Монгол" төслийг Үндэсний мэдээллийн агентлаг МОНЦАМЭ, Монголын гэрэл зурагчдын  нийгэмлэгийн холбоо /МГЗНХ/, Үндэсний брэндийн бодлогын зөвлөлтэй хамтран зохион байгуулж байна.

Н.Даваасүрэн

WWW.ZINDAA.MN