Завхан аймгийн эмч нар монгол гэрт эх, хүүхдийн амийг аварлаа

Б.Эгшиглэн | Zindaa.mn
2019 оны 04 сарын 19

Дөрөвдүгээр сарын 11-ны шөнө 01 цагийн үед Завхан аймгийн Тэлмэн сумын харьяа сумын төвөөс 20 км зайнд байрлах малчны гэрт 36 долоо хоногтой, 26 настай эмэгтэй хоёр дахь жирэмслэлтээрээ маш хүнд биеийн байдалтай байна гэж дуудлага ирүүлжээ. Иймд эхэд Тэлмэн сумын эрүүл мэндийн  төвийн их эмч Мягмаржаргал, Өнөтуяа нар нь Тосонцэнгэл сумын нэгдсэн эмнэлгээс эх барихын хагалгааны багийн тусламж дуудаж цаг алдалгүй гэрт нь хийсвэр хагалгаа хийснээр эх хүүхдийн амь насыг аварчээ. 26 настай эх нь манас таталт буюу HELLP хам шинж гэсэн оноштой байсан аж. 

Завхан аймгийн нэгдсэн эмнэлгийн мэдээгүйжүүлэг, эрчимт эмчилгээний эмч Г.Баярмаа хагалгааны дараах эмийн эрчимт эмчилгээг оновчтой түргэн шуурхай хийснээр хоёр хоногийн дотор эхийн биеийн байдлыг сайжруулан тогтворжуулж, Тосонцэнгэл сумын нэгдсэн эмнэлгийн эрчимт эмчилгээний их эмч Д.Лхамноржим эмчид хүлээлгэн өгсөн байна. Одоогоор эх хүүхдийн биеийн байдал сайн ЭХЭМҮТ-д эмчлүүлж байгаа.

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
амар(202.9.42.136) 2019 оны 04 сарын 21

мундаг шүү

Top