Жүжигчин Владимир Зеленский Украины Ерөнхийлөгч боллоо
Украины хошин урлагийн жүжигчин, “Ард түмний үйлчлэгч” намаас Ерөнхийлөгчийн сонгуульд нэр дэвшсэн Владимир Зеленский өчигдөр /2019.04.21/ болсон сонгуулийн хоёрдугаар шатны санал хураалтад иргэдийн 73.7 хувийн санал авчээ. 41 настай Владимир Зеленский ийн Украины одоогийн Ерөнхийлөгч Петр Порошенког ялж, тус улсын Төрийн тэргүүнээр сонгогдлоо.
Петр Порошенкод иргэдийн 24.5 хувь нь саналаа өгчээ. Өнгөрсөн гуравдугаар сарын 31-нд болсон эхний шатны санал хураалтаар Владимир Зеленский сонгогчдын 30 хувийн, Петр Порошенко 17.8 хувийн саналыг авч байсан юм.
Украин улсыг таван жил удирдах Владимир Зеленский “Та бүхнийхээ итгэлийг алдахгүй. Би хараахан албан ёсоор Ерөнхийлөгчийн ажлаа хүлээж аваагүй байна. Гэхдээ Украин улсын иргэн хүний хувьд Зөвлөлтийн дараах улсуудад хандаж хэлэхэд, биднийг хараарай, боломжгүй зүйл гэж байхгүй” гэжээ. Тэрбээр улс орноо авлигаас ангижруулах, Донбасст энх тайвныг тогтоох гэсэн гол уриатай Ерөнхийлөгчийн сонгуульд өрсөлдсөн билээ.
Багадаа Монголд амьдарч байсан Владимир Зеленский нь эхнэр, хоёр хүүхдийн хамт амьдардаг.
Түүний аав Монголд ажилладаг байсан тул Владимир Зеленский бага насандаа Эрдэнэт хотод дөрвөн жил амьдарсан гэдэг. Энэ тухай ярилцлагыг ЭНД дарж унших боломжтой.
Холбоотой мэдээ
Сэтгэгдэл ( 10 )
Хүүхэд 4 хүртэлх насандаа нийгмийн амьдралыг хар цагаанаар нь ялган тусгаж бүрэн гүйцэд , зөв илэрхийлж сайн сураагүй байдаг . \nТийм учраас энэ насны сайн , муу зүйлийн талаархи хожмын дурсамж ихэвчлэх гэр бүлийн дотрох эцэг эхийн харилцаанаас \nшалтгаантай байдаг юм .
Хуучин социалист лагерийн оросын колони орныхон бүтэхгүйээ. Дампуу л байна улам дампуурчээ украйн
За ашгүй дээ. Прошенко гэж Америкчуудын гар хөл болсон утсан хүүхэлдэй ялагдсан нь Оросын ард түмэн цаашлаад европ, дэлхий нийтэд заналхийлж байсан хар аюулыг бага ч атугай зайлуулах горьдлого төрүүлж байна.Ишиг эврээ ургахаар эвхийгээ мөргөдөг үлгэрийг ялагдсан ерөнхийлөгч янзтай баталсан. Манайхан сургамж авахад ер гэмгүй, гэхдээ илжигний чинхэнд алт, ус хоёр адил гэдэг дээ.
За ашгүй дээ. Прошенко гэж Америкчуудын гар хөл болсон утсан хүүхэлдэй ялагдсан нь Оросын ард түмэн цаашлаад европ, дэлхий нийтэд заналхийлж байсан хар аюулыг бага ч атугай зайлуулах горьдлого төрүүлж байна.Ишиг эврээ ургахаар эвхийгээ мөргөдөг үлгэрийг ялагдсан ерөнхийлөгч янзтай баталсан. Манайхан сургамж авахад ер гэмгүй, гэхдээ илжигний чинхэнд алт, ус хоёр адил гэдэг дээ.
Батзандан мэтийн солиотууд арай мѳрѳѳдцѳн яваа юм биш бээз........ магадгүй шүүү
Манай алиа марзан гаруудад шанс бас байгаа шүү!!