БОАЖЯ-наас сэтгүүлчдийн дунд нийтлэл, нэвтрүүлгийн уралдаан зарлалаа

БОАЖЯ-наас салбартаа мэргэшсэн сэтгүүлч бэлтгэх клуб байгуулах зорилгоор 2019 оны 6 дугаар сарын 1-ээс 12 дугаар сарын 1 хүртэл 10 сая төгрөгийн шагналын сантай нийтлэл, нэвтрүүлгийн уралдаан сэтгүүлчдийн дунд зарласан байна. Сэтгүүлчид сар бүр тухайлсан сэдвийн хүрээнд нийтлэл, нэвтрүүлэг бэлтгэн уралдаанд оролцох боломжтой бөгөөд I байр 1 сая төгрөг, II байр 500 мянган төгрөг, III байрт шалгарсан сэтгүүлчийг 300 мянган төгрөгөөр урамшуулах юм байна. Нийт 6 сарын хугацаанд үргэлжлэх энэхүү уралдаанаас шалгарсан 18 сэтгүүлчийг клубын зарчмаар зохион байгуулж, мэргэшүүлэн, олон улсын туршлага судлуулах зэргээр БОАЖЯ-наас хамтарч ажиллах юм байна. Сэтгүүлчдэд тухайн сэдвийн хүрээнд иргэдийн ухамсрыг дээшлүүлж, хандлагыг өөрчлөн, хамтын хүчээр асуудлыг шийдэх гарц, шийдэл санал болгох шаардлага тавьж байгаа аж. 

Уралдааны сэдэв:

1. "Эко аялцгаая" 6.1-7.1 2.

"Цэвэрхэн наадацгаая" 7.1-8.1 3.

“Гялгар уутнаас татгалзаж, даавуун тор хэрэглэцгээе” 8.1-9.1 4.

"Гэр, байшингаа дулаалж, сайжруулсан түлш хэрэглэж хэвшье" 9.1-10.1 5.

"Агаарын бохирдлын эсрэг хүчээ нэгтгэе" 10.1-11.1 6.

"Хандлагаа өөрчилье" 11.1-12.01

БОАЖ-ын сайд Н.Цэрэнбат “Хандлагаа өөрчилье” уриалга дэвшүүлэн ЕБС-ийн сурагчдад байгаль орчны боловсрол олгох “Ногоон паспорт” аян, үндэсний их баяр, наадмуудыг угтан “Цэвэрхэн шинэлцгээе”, “Цэвэрхэн наадацгаая” аянуудыг амжилттай эхлүүлж, уламжлал болгон олны талархлыг хүртээд байгаа. Танд ямар санагдав.