Ээлжит бус чуулган есдүгээр сарын 1-н хүртэл хуралдана

УИХ-ын 2019 оны хаврын ээлжит чуулганы хаалт өнөөдөр /2019.07.05/ болно. Чуулганы хаалтыг залгуулаад ээлжит бус чуулганы нээлт болох шийдвэрийг УИХ-ын дарга гаргаад байгаа юм.

УИХ-ын дарга Г.Занданшатар “Сунгаж хуралдсан ээлжит чуулган өнөөдөр өндөрлөж, залгаад ээлжит бус чуулган эхэлнэ. Долоодугаар сарын 5-наас есдүгээр сарын 1-н хүртэл хуралдах захирамж гаргалаа. Үндсэн хуулийн өөрчлөлтөө, Оюутолгойн гэрээний асуудлаа, Өргөн нэвтрүүлгийн тухай хууль зэрэг 10 гаруй хууль тогтоомж хэлэлцэхээр боллоо” хэмээлээ.