Зээл төлөлтийн хугацаа хойшлуулсан шийдвэрийг 2020.01.31-нээс тооцно
(28).jpg)
Коронавирус (Covid-19)-ийн тархалттай холбоотойгоор Монгол Улсын эдийн засагт хүндрэл учирч, банкны салбарын зээлийн эргэн төлөлтөд доголдол үүсч байгаатай холбогдуулан Монголбанкнаас дараах журмуудын тодорхой зохицуулалтыг доорх нөхцөлтэйгээр түр хугацаагаар буюу 2020 оны нэгдүгээр сарын 31-ний өдрөөс 2020 оны долдугаар сарын 31-ний өдөр хүртэл мөрдүүлэхээр шийдвэрлэлээ. Үүнд:
1. “Активыг ангилах, активын эрсдэлийн сан байгуулж, зарцуулах журам”-д
а. Ипотек, цалин, тэтгэвэр болон бусад хэрэглээний зээл хэлбэрээр иргэнд олгосон зээлд тогтоох хугацааны ангиллыг “Хэвийн” зээлийн хувьд 15 хүртэлх хоног байсныг 90 хүртэлх хоног болгож, “Анхаарал хандуулах” зээлийн хувьд 91-120 хүртэлх хоног, “Чанаргүй” зээлийн хувьд 121-ээс дээш хоног байхаар тус тус тогтоож мөрдөх;
б. Хэрэглээний болон бизнесийн зээлийн бүтцийг өөрчилж, холбогдох гэрээнд өөрчлөлт оруулсан тохиолдолд уг зээлийг журмын дагуу бүтэц өөрчлөгдсөн активт тооцохгүйгээр, эцсийн ангиллыг хэвээр тогтоох;
в. Хэрэглээний зээлд 2020 оны нэгдүгээр сарын 31-ний өдрийн байдлаар тогтоосон чанарын ангиллыг тушаал мөрдөгдөх хугацаанд хэвээр мөрдөх;
2. “Банкны үйл ажиллагааны зохистой харьцааны шалгуур үзүүлэлтийг тогтоох, түүнд хяналт тавих журам”-д
а. Өөрийн хөрөнгийг хамгаалах нөөц зөрчигдөхөд авч хэрэгжүүлэх арга хэмжээг түдгэлзүүлэх;
б. Төлбөр түргэн гүйцэтгэх чадварын зохистой харьцааг 20 хувиар тогтоох;
3. Дээрх зохицуулалтын хугацаа дуусах үед дээрх журмуудыг ердийн зохицуулалтын дагуу мөрдөхөөр шийдвэрлэлээ.
Эдгээр зохицуулалт нь Covid-19 цар тахлаас урьдчилан сэргийлэх арга хэмжээнээс үүдэн зээлийн эргэн төлөлтөө хийхэд хүндрэл учирч буй зээлдэгчид нь зээлийн үндсэн болон хүүгийн төлбөрөө түр хугацаагаар эргүүлэн төлөх боломжгүй тохиолдолд тухайн зээлдэгчийн зээлийн ангиллыг хэвээр үлдээж, Зээлийн мэдээллийн санд ангилал бууруулж мэдээлэхгүй байх боломжийг бүрдүүлж байна. Энэхүү арга хэмжээг авснаар зээлийг эргэн төлөх үүрэг алга болохгүй бөгөөд зээлдэгчдээс үнэхээр хүндрэл гарсан бол зээлдүүлэгч банктайгаа холбогдон зээлийн үйлчилгээний төлбөрийг хойшлуулах, зээлийн гэрээнд өөрчлөлт оруулах хүсэлт гаргах боломжтой.
Иймд, цаашид хэт их зээлийн өрийн дарамтыг үүсгэхгүйн тулд зээлээ өөрийн боломжит хэмжээгээр эргэн төлж байх нь илүү үр дүнтэй болохыг зээлдэгчид ойлгож, санхүүгээ зохицуулах нь зүйтэй.
МОНГОЛБАНК
Холбоотой мэдээ
Сэтгэгдэл ( 6 )
1;2r sariin tulultiig 4;5n sarluu shiljvvleh ym bailgvidee
arai bishee.iim ym baih gej.ard tumnee bitgii huur ldaa.
Арай дэндүү юм аа ийм шийдвэр байхдаа яахав дэ
1 сарын 30 наас зээлийэ үндсэн төлөлтийг 3 сараар хойшлуулна гэхээр ердөө нэг сар л үлдэж байгаа юм бишүү. 2 сар нь бараг дуусчихсан байна шүү дээ. нэгэнт төлчихсөн төлбөрийг яах юм бэ. Ард түмнээ дэндүү доромжлох юмаа. Сайханбилэгийн олон мянган хувьсагч шиг юм л ярих болжээ та нар.
ymarch utgagui shiidver bn da 1 bol 3 ymuu 4 saraas zeelee 3 sariin hugatsaand tolhoo hioshluulah 3 sariin daraanaas tolj ehleh esvel huug ni buuruulah arga hemjeel avhadl boloo bishuu
Юугаа хуцаад байгаан бэ одоо 3 сар гарчаад байна өр зээл дахиж тавиад зээлээ төлсөн ард иргэд зөндөө бий шууд 3-1с 3 сар элдэв нөхцөлгүйгээр зогсоогооч