Нэгдсэн сурах бичиг ба ХНК болон Хятадын Засгийн газрын шийдвэр

(Орчуулга)

Нэгдсэн сурах бичиг хэрэглэх нь ХНК болон Хятадын Засгийн газрын чухал шийдвэр

Боловсролын асуудал бол улс орны бөгөөд намын хамгийн чухал асуудал хэмээн Ши Жиньпин дарга онцлон тэмдэглэсэн. Боловсрол олгох сурах бичиг гаргах нь төрийн эрх мэдэлд хамаардаг. ХКН-ын Төв хороо, Хятадын Төрийн зөвлөл нь сурах бичгийн ажилд өндөр ач холбогдол өгч сурах бичиг гаргах ажлыг улс орны үндсэн, стратегийн бүтээн байгуулалт гэж үзэн анхаардаг. Тиймээс 2017 оны 7-р сард Үндсэний сурах бичгийн комиссыг байгуулан их дээд, дунд, болон бага сургуулийн сурах бичиг гаргах менежементийг илүү сайжруулан, төр засгаас стратеги, төлөвлөгөө, нэгдсэн удирдамжийг бэхжүүлсэн. Улмаар ХКН-ын Төв хорооны шийдвэрийн дагуу Үндсэний сурах бичгийн комиссоос бага, дунд сургуулийн Хэл бичиг, Улс төр (ёс зүй ба хуулийн засаглал), Түүх гэсэн 3 нэгдсэн сурах бичгийг улсын хэмжээнд гаргасан. 2017 оны 9-р сараас улсын хэмжээнд бүх бага, дунд сургууль энэхүү сурах бичгийг нэгдсэн журмаар хэрэглэхээр болсон ба ӨМӨЗО–д хятад хэлээр сургалт явуулдаг бага, дунд сургуулиуд мөн нэгэн зэрэг хэрэглэхээр болсон.      

Нэгдсэн сурах бичиг бол улсын хэмжээний, өндөр чанартай, албан ёсны сурах бичиг. Үндсэтний цөөнхийн хэлээр сургалт явуулдаг Шинжаанд 2017 оноос эхлэн суурь боловсрол олгох үе шатанд дээрх 3 нэгдсэн сурах бичгийг хэрэглэх болсон бөгөөд Төвөд 2018 оноос эхлэн дээрх 3 нэгдсэн сурах бичгийг суурь боловсрол олгох сургалтанд улсын нийтээр хэрэглэдэг хэлээр зааж эхэлсэн.

ӨМӨЗО, Ганьсу, Жилинь, Ляонин, Чинхай, Сычцань зэрэг 6 муж, бүс нутгийн үндэстний цөөнхийн хэлээр сургалт явуулдаг сургуулиудын хувьд энэ оны намраас эхлэн дээрх 3 нэгдсэн сурах бичгийг сургалтад хэрэглэхээр болсон. ӨМӨЗО нь Үндсний сурах бичгийн комиссын үйл ажиллагааны журмын дагуу, үндэстний цөөнхөд шударга, чанартай боловсрол олгох үйл хэрэгт өндөр хариуцлагатай хандаж, улсын нийтээр хэрэглэдэг хэл, бичгийн боловсролын түвшин болон үндэстний цөөнхийн хэлээр боловсрол олгодог сургуулиудын бодит нөхцөл байдлыг бодолцож үзсэний үндсэн дээр тус бүс нутагт “Хэл бичиг”, “Улс төр”, “Түүх” гэсэн 3 нэгдсэн сурах бичгийг хэрэглэх журмыг 3 жилийн хугацаанд үе шаттайгаар хэрэгжүүлэх, холбогдох ажлыг тогтвортойгоор ахиулах санал гаргасаныг Боловсролын яамнаас зөвшөөрсөн байна. Ингэснээр анхан болон дунд сургуулийн 1-р ангийн сурагчид энэ оны намраас эхлээд “Хэл бичиг” нэгдсэн сурах бичгийг, 2021 оноос “Ёс зүй ба хуулийн засаглал” (Улс төр) нэгдсэн сурах бичгийг, 2022 оноос дунд сургуулийн 1-р ангийн сурагчид “Түүх” нэгдсэн сурах бичгийг тус тус хэрэглэж эхлэх бөгөөд улсын нийтээр хэрэглэдэг хэлээр заах болов. Энэхүү шийдвэр ӨЗО-ны үйл ажиллагааг бүрэн бодолцож үзсэн төдийгүй нам, төр тус бүс нутагт анхаарал хандуулдаг болохыг бүрэн илтгэж байна. Ийнхүү ӨЗО-ны Засаг захиргаанаас Боловсролын танхимыг “Бүс нутагт үндэстний цөөнхийн хэл дээр боловсрол олгох сургуулийн анхан, дундын 1-р ангийн сурагчид улсын нэгдсэн〈Хэл бичиг〉сурах бичиг хэрэглэх журмыг хэрэгжүүлэх хөтөлбөр”-ийг боловсруулан гаргахыг зөвшөөрсөн. Энэхүү ажил бол улсын хэмжээний болон ӨЗО-ны боловсролын ажилд гаргасан чухал шийдэл юм.               

Сурах бичиг нь намын болон улсын хүсэл зоригийг илэрхийлж, ард түмэнд тулгамдаж буй асуудлыг тусган, Хятад улсын шилдэг соёл, хүн төрөлхтний соёл иргэншлийн дэвшилтэт ололт, амжилтыг өвлүүлэн, ямар хүнийг төлөвшүүлэх, хэрхэн төлөвшүүлэх, юуны төлөө хүнийг төлөвшүүлэх гэсэн үндсэн асуултуудыг шийдвэрлэх чухал тээвэрлэгч болдог бөгөөд намын боловсролын чиглэлийн хэрэгжилт хийгээд боловсролын зорилгын биелэлтэй шууд холбогдож байгаа юм. Үндэстний хэлээр хичээл заадаг бага, дунд сургуулиуд нэгдсэн《Хэл бичиг》сурах бичгийг ашиглах нь үндэстний нутаг дэвгэрт улсын нийтээр хэрэглэдэг хэл, бичгийн боловсролыг дээшлүүлэхэд чиглэсэн Намын Төв хорооны чухал шийдвэр, улсын сурах бичиг ашиглалтын удирдлагын томоохон өөрчлөлт, үндэстний сургуулиудын улсын нийтээр хэрэглэдэг хэл, бичгийн хэрэглээний түвшинг тасралтгүй сайжруулах, үндэстний боловсролын чанартай хөгжлийн тогтолцоог сайжруулах, үндэстний нутаг дэвсгэрийн хүн ам хийгээд сурагчдын бодит шаардлага юм. Улсын нийтээр хэрэглэдэг хэл, бичгийн боловсрол, сурах бичгийг сайжруулснаар үндэстний нутаг дэвсгэрийн янз бүрийн үндэстнүүдэд илүү эрх тэгш, илүү чанартай боловсролыг олгох давуу талтай бөгөөд стратегийн чухал ач холбогдол, гүн гүнзгий түүхэн ач холбогдолтой юм.  

Одоо хэрэгжиж буй хос хэлний сургалтын тогтолцоо өөрчлөгдсөн үү?

2020 оны хичээлийн жилийн намрын улирлаас эхлэн үндэстний хэлээр хичээл заадаг бүх сургуулийн бага сургуулийн нэгдүгээр анги болон анхан дунд сургуулийн нэгдүгээр ангиас эхлэн улсын нэгдсэн 《хэл бичиг》сурах бичгийг ашиглан, улсын нийтээр хэрэглэдэг хэл, бичгээр хичээл заана. Өмнөх жилүүдтэй харьцуулбал, бага сургуулийн хоёрдугаар ангиас орж эхэлдэг байсан 《Хятад хэл》 хичээлийг бага сургуулийн нэгдүгээр ангиас эхлэн улсын нэгдсэн《хэл бичиг》хичээл болгон орж, анхан дунд сургуулийн нэгдүгээр ангид үздэг《Хятад хэл》хичээлийг улсын нэгдсэн 《хэл бичиг》хичээл болгон өөрчилж байна. Бусад хичээл болон бусад ангиудын хичээлийн хөтөлбөрт өөрчлөлт ороогүй, сурах бичиг өөрчлөгдөөгүй, хичээл заах хэл, бичиг өөрчлөгдөөгүй, монгол хэл бичиг, солонгос хэл бичгийн хичээлийн цаг өөрчлөгдөөгүй. Гурван хичээлийн сурах бичгийг цогцоор нь танилцуулснаас хойш үндэстний хэлээр хичээл заадаг бага, дунд сургууль болон бусад хичээлийн хөтөлбөрт өөрчлөлт орохгүй, сурах бичиг өөрчлөгдөхгүй, хичээл заах хэл, бичиг өөрчлөгдөхгүй, монгол хэл, солонгос хэлний хичээлийн цаг мөн өөрчлөгдөхгүй. Иймээс, одоо ашиглаж буй хос хэлний сургалтын тогтолцоо огт өөрчлөгдөөгүй.

Сурагчид нэгдсэн (Хэл бичиг) сурах бичгийг ашиглах нь ямар давуу талтай вэ?

БНХАУ-ын дарга Ши Жиньпин, хэл бол хүн хоорондын ойлголцлын чухал хэсэг юм. Хэл нэвтрэлцэхгүй бол харилцахад хэцүү, харилцахгүй бол ойлголцолд хүрэх хэцүү, энэгшлийг бий болгоход хэцүү хэмээн онцолж байсан. Үндэстний цөөнхийн сурагчид улсын нийтээр хэрэглэдэг хэлийг сурснаар ажил хөдөлмөр эрхлэх, орчин үеийн шинжлэх ухаан, технологийн соёлын мэдлэгийг авах, нийгэмд хөл тавихад нь тустай. Улсын нэгдсэн 《хэл бичиг》сурах бичиг нь хэл бичгийн хичээлийн өөрчлөлтийн маш сайн үр дүнг нэгтгэн шингээж, хичээлийн хөтөлбөрийн өөрчлөлтийн дэвшилтэт үзэл хийгээд амжилттай туршлагыг хуримтлуулж, сурагчдын санаачилгатай байдал болон практик чадварыг төлөвшүүлэхэд анхаарч, санаачилгатай, хамтаар ажилласан, судалгаанд тулгуурласан сурах арга барилыг санаачилан, хэл, бичгийн хэрэглээг бэхжүүлж, хэл бичиг, амьдралын холбоог бэхжүүлж, сурагчийн хэл бичгийн чадварыг бүх талаар дээшлүүлэхэд анхаарсан. Улсын нэгдсэн сурах бичгийг ашиглах нь үндэстний хэлээр хичээл үздэг сурагчид бусад үндэстний сурагчидтай харилцах, ойлголцоход тустай бөгөөд цаашдын хувь хүний хөгжил болон дэвшин суралцах, ажил хөдөлмөр эрхлэхэд нь илүү олон боломжийг нээж өгч байгаа юм.

Эх сурвалж: www.nmg.gov.cn