Цагаан сарын ШИНИЙН НЭГЭН хоёрдугаар сарын 12-ны өдөр тохиож байна

2021 оны 01 сарын 04

Цагаан сар нь Монгол үндэстний уламжлалт шинэ жилийн баяр юм. Цагаан сарын баярыг Монголын Буддын шашин, Шарын шашны Төгсбуянтын зурхайн билгийн тооллын дагуу хаврын эхэн сард тэмдэглэдэг. Монголын Цагаан сарын баярыг Монгол Улсаас гадна ОХУ-ын Буддын шашинт Буриад, Тува, Алтай, Халимагийн ард түмэн тэмдэглэн өнгөрүүлдэг.

"ХОТОЛ ТӨГС” хэмээх "ТӨМӨР ХУЛГАНА" жилийн өвлийн адаг сарын битүүн 2021 оны хоёрдугаар сарын 11-ний Пүрэв гарагт болно.

17-р жарны 35 он буюу Зургаан цагаан мэнгэтэй Цагаагчин үхэр жилийн Цагаан сарын ШИНИЙН НЭГЭН 2021 оны хоёрдугаар сарын 12-ны Баасан гарагт тохиож байна. Энэ нь ердийн (илүү саргүй) жил тул 12 сартай.

Төгс буянтын зурхайг 1747 онд Хөхнуурын Монголын түүхч, гүн ухаантан, шашны ухаан, анагаах ухаан, уран зохиол, одон орон судлал, зурхайч Сүмбэ хамба лам Ишбалжир Монгол орныхоо газрын хуваарьт тохируулан "Төгс буянт шинэ зурхай" хэмээх Монгол одон орон зурхайг зохиож сургууль байгуулсан түүхтэй. Төгсбуянт зурхай бол нар сарны тооллын дагуу Монгол орны цаг агаар уур амьсгалд тохируулж бүтээсэн Монгол зурхай юм. Тус зурхайн дагуу жил бүрийн Цагаан сарын баяр хэзээ болохыг товлодог.

Монголчууд 200 гаруй жил Манж Чин гүрний харьяанд явахдаа Хятадын Шар зурхайгаар Цагаан сарын баяр тэмдэглэдэг байв. Улмаар 1911 онд тусгаар тогтнолоо зарлаж, 8-р Богд Жавзандамба хутагтын зарлигаар Төгс буянтын зурхайг эргэн сэргээжээ. Цагаан сар бол шинэ жилийн баяр төдийгүй Монгол Улсын тусгаар тогтнолын билэгдэл юм.

 

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Munkhjargal (202.72.246.98)  2024 оны 02 сарын 06

2021.02.12-ны өдөр бүх газрын ажиллуулна гэсэн шийдвэр гарсан юмуу, энэ талаар мэдсэн хүн бна уу? яаралтай мэдэх хэрэгтэй байнаа.\n

4  |  2
buyannemekh (66.181.161.115)  2024 оны 02 сарын 06

Эрүүл энх байвал хэдэн жилийн цагаан сарыг тэмдэглэх болно. Дараа жил гэхэд бүх зүйл сайхан болсон байна гэдэгт итгэлтэй бна. Одоо ковид эрчимтэй тархаж байгаа болохоор үр дүнтэй арга хэмжээ авсан нь дээр.\n

4  |  2
иргэг (192.82.71.205)  2024 оны 02 сарын 06

сайхан цаг наашилж байнаа.

4  |  3
Онч (192.82.72.56)  2024 оны 02 сарын 06

Сайхан мэдээлэл бэлтгэжээ,

4  |  1
үнэн (66.181.188.136)  2024 оны 02 сарын 06

Энэ Цагаан сарыг эртхэн хориоч дээ УОКыхоон. Цагаан сар хотод огт таархгүй баяр. Хөдөө бол өөр.

4  |  3
Бат (202.9.46.95)  2024 оны 02 сарын 06

Ард түмэн минь өвчин тархах эрсдэлгүй бол цагаан сараа тэмдэглэлгүй яахав ковид өвчний байдлаа харж байж шийдээрэй эрүүл бол олон цагаан сар тэмдэглэнэ ээ

5  |  3
Top