БГД: Зайлшгүй шаардлагатай зарим өрхөд хүнсний багцын дэмжлэг үзүүллээ

М.Тэнүүн | Zindaa.mn
2021 оны 01 сарын 14

Баянгол дүүргийн Иргэдэд үйлчлэх төв 2021 оны 1 дүгээр сарын 14-ний  өдөр  дүүргийн Засаг даргын Тамгын газрын Шуурхай штабын шийдвэр, Тамгын газрын дарга Б.Нарангэрэл, Засаг даргын орлогч Д.Жаргалсүрэн нарын зөвшөөрлийн дагуу БГД-ийн 5-р хорооны нутагт байрлах Бэгдү хотхоны 65-р байрны 30 өрхөд "Хүнсний багц" хүргэлээ.

Өнөөдрийн байдлаар тус хотхоны оршин суургчдаас Иргэдэд үйлчлэх төвийн 1800-1222 дугаарын утсанд ирүүлсэн санал хүсэлтүүдийг нягтлаж судлан, 65-р байрны 144 өрхөөс хүнсний дэмжлэг зайлшгүй шаардлагатай 98 өрхийг тусламжид хамруулаад байна. /2020 оны 12-р сарын 31-ны өдрөөс хойш удаан хугацаанд хөл хорионы хамгаалалтад байгаа байр/

Түүнчлэн дүүргийн 9-р хорооны өрх толгойлсон 1 иргэн, 23-р хорооны гэр нь галд өртсөн 1 айл, 12-р хорооны харьяат хүндээр өвдсөн 1 иргэнд зохих зөвшөөрлийн дагуу хүнсний тусламжийн багцыг хүргэж ажиллалаа.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top