Ж.Гүррагчаа сансарт ниссэний 40 жилийн ойд зориулсан уралдаан зарлав

2021 оны 01 сарын 25


Зөвлөлт-Монголын сансрын хамтарсан нислэгийн 40 жилийн ойд зориулсан “Сансар миний нүдээр” сэдэвт зургийн уралдаан, ерөнхий боловсролын сургуулийн 11-12 дугаар ангийн сурагчдын дунд орос хэл дээр бичих зохион бичлэгийн уралдаан зарлажээ. “Холын мэт ойрхон сансар: Ж.Гүррагчаа сансарт ниссэний 40 жилийн ой” сэдэвт уралдаан уламжлалт ёсоор хоёр үе шаттайгаар явагдах аж.

2021 онд Монгол Улс, ОХУ-ын хооронд дипломат харилцаа тогтоосны 100, Монгол хүн сансарт ниссэний 40 жилийн ой тохиож байна. Энэхүү ойн хүрээнд МОНЦАМЭ агентлагийн “Новости Монголии” сонин Улаанбаатар дахь Оросын соёл, шинжлэх ухааны мэдээллийн төвтэй хамтран дээрх уралдааныг зарлажээ.

Уралдааны I үе шат: 2021.02.25-ны өдөр хүртэл явагдана

II үе шат: 2021.02.25-наас 2021 оны 3 дугаар сарын эхэн хүртэл үргэлжилж шүүгчид уралдааны дүнг гаргана.

Нэгдүгээрт үе шат:

Зохион бичлэг доод тал нь 3 хуудас / А4 цаас/  буюу хамгийн бага нь 900 үгтэй байна.

Зохион бичлэгт тавигдах шаардлага:

  • Зохион бичлэг нь доод тал нь 3 хуудас / А4 цаас/  буюу хамгийн бага нь 900 үгтэй байна.
  • Times New Roman фондын  12-оор бичсэн байх бөгөөд мөр хоорондох зай 1.5
  • Зохион бичлэгээ тусад нь файлаар хадгалж илгээнэ
  • Зохион бичлэгийн сэдэв, овог, нэр, сургууль, анги, холбоо барих утсаа заавал бичнэ
  • Зохион бичлэгийг оросоор бичсэн байх
  • Интернэтээс хуулсан зохион бичлэгийг тооцохгүй
  • Дүрмийн алдаагүй байх
  • Зохион бичлэгийг 2019.02.25-ны дотор delgermaa@montsame.gov.mn эсвэл Улаанбаатар хот, Чингэлтэй дүүрэг, Б.Жигжиджавын гудамж-8 Монголын үндэсний мэдээллийн агентлаг МОНЦАМЭ  “Новости Монголии” сонины редакцид гэсэн хаягаар явуулах. Мөн МОНЦАМЭ агентлагийн “Новости Монголии” сонины редакцид авчирч өгч болно.
  • Уралдааныг зохион байгуулагчид шаардлага хангаагүй зохион бичлэгийг хүлээн авахгүй.

Хоёрдугаарт үе шат:

Зохион бичлэг нь шалгарсан сурагчид ярилцлаганд оролцоно. Ярилцлага хэзээ, хаана болохыг цаг тухайд нь утсаар болон эмайл-ээр мэдэгдэнэ.

Уралдааны шагнал:

  • Нэгдүгээр байр: Цом, ОХУ-ын их, дээд сургуульд тэтгэлэгтэй суралцах эрхээр шагнагдана‼
  • Хоёрдугаар байр: Цом, Мөнгөн урамшуулал
  • Гуравдугаар байр: Цом, Мөнгөн урамшуулал

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top