ДАРХАН-УУЛ: Улаанбаатар хотоос зөвхөн Дарханы иргэдийг хүлээж авна

2021 оны 03 сарын 12
Дархан-Уул аймгийн Онцгой комиссын хуралдаанаас гаргасан Улаанбаатар, Дархан хооронд зорчих хөдөлгөөнтэй холбоотой түр журмыг өнөөдрөөс /2021.03.12/ мөрдөнө.
 
Гамшгаас хамгаалах Өндөржүүлсэн бэлэн байдлын зэрэг буурах хүртэлх хугацаанд мөрдөх түр журмын дагуу дараах зохицуулалтыг хийхээр болов.
 
ДАРХАН-УУЛ аймаг руу ИРЭХ хөдөлгөөн:
 
  • Улаанбаатар хотоос зөвхөн Дарханы харьяат иргэдийг хүлээн авна.
  • Зайлшгүй хүндэтгэн үзэх шалтгаантай тохиолдолд Улаанбаатар хотоос ирэх иргэдийг PCR шинжилгээний бичиг, холбогдох бичиг баримт болон цахим бүртгэлийг үндэслэн нэвтрүүлнэ. Хүндэтгэн үзэх шалтгаанд: Эрүүл мэндийн шалтгаантай, албан томилолттой, буяны ажилтай, хүнс, эм эмнэлгийн хэрэгсэл тээвэрт явж буй иргэд хамаарна.
  • Халдваргүй бүсээс ирэх иргэд асуумж бөглөн чөлөөтэй нэвтэрнэ.
  • Улаанбаатар болон бусад аймаг орон нутгаас ирэх бүх иргэд smartdarkhan.com цахим хаягаар бүртгүүлсэн байна. Иргэний үнэмлэх болон холбогдох бичиг баримтаа биедээ авч явна.
 
ДАРХАН-УУЛ аймгаас ГАРАХ хөдөлгөөн:
 
Дархан-Уул аймгаас гарах иргэд асуумж бөглөн бүх чиглэлд чөлөөтэй нэвтэрнэ. Иргэний үнэмлэх, холбогдох бичиг баримттай байна.
 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top