ЕБС-д сэтгэлзүйч ажиллуулахад 11-13 насныхан ХАМГИЙН ИХ ханджээ
Сургуулиуд дэргэдээ сэтгэл зүйч ажиллуулах хүсэлт ихээр ирүүлж байгаа учир БШУЯ-ны төлөөлөл Монголын сэтгэл зүйчдийн нийгэмлэгийнхэнтэй уулзаж, санал солилцлоо.
1992 оноос хойш сэтгэл зүйч мэргэжлээр МУИС-ийг 600 орчим оюутан төгсөн гарсан бол тэдний 50-55 хувь нь өнөөдөр мэргэжлээрээ ажиллаж байна. Харин МУБИС-ийг энэ мэргэжлээр 2200 орчим оюутан төгсөж тэдний 36 хувь нь мэргэжлийн ажлаа хийж байна. Гэхдээ сэтгэлзүйч бүр хүүхэдтэй ажиллах боломжгүй учир энэ чиглэлээр сэтгэл зүйчдийг давтан сургах, мэргэшүүлэх асуудал чухал юм.
Монголын сэтгэл зүйчдийн нийгэмлэгийнхэн сурагчдын дунд хэд хэдэн судалгаа явуулсан байна. Судалгааг гарааны болон барины үнэлгээгээр дүгнэжээ. Мөн сонгосон сургуулиудад сэтгэл зүйч ажиллуулан үр дүнг ч тооцсон байна. Энэ бүх дүгнэлтээс харахад 11-13 насныхан сэтгэл зүйчид хандах нь түгээмэл буюу 47 хувьтай байжээ. Бусад насны сурагчдын 20 хүртэл хувь нь л сэтгэл зүйчээс зөвлөгөө авсан байна. Мөн зөвлөгөө авсан кейсүүдийг ангилж үзвэл 74 хувьд нь гэр бүлийн шинжтэй ямар нэгэн сэтгэл зүйн дарамт учирсан байжээ. Энэ нь сурагчдын амжилтад муугаар нөлөөлсөн байв.
Сэтгэл зүйч сурагчидтай ажилласнаар дасан зохицох чадвар нэмэгдэж, эерэг хандлага бий болгон, бэрхшээлийг даван туулах чадварт сургах боломжтой юм. Ингэснээр хүүхдүүдийн сурах идэвх, сурлагын амжилт нэмэгдэнэ. Өнөөдөр сургууль бүрт сэтгэл зүйч ажиллуулах боломж хомс байгаа учир дундын шийдэл олох ажлын хэсэг байгууллаа. Богино, дунд, урт хугацаанд хэрхэн шийдэж болохыг 14 хоногийн дараа дахин ярилцахаар болов.
Холбоотой мэдээ
Сэтгэгдэл ( 2 )
Аливаа улс орныг эзлэхийг хүсвэл хүүхдүүдийг нь өөрсдийнхөөрөө хүмүүжүүл гэ үг байдаг гэнээ. Тиймээс Монгол орныг хүчгүй болгож өөрсдийг нь үг дуугүй дагах бурантагтай тэмээ шиг болгохын тулд гадны ноход хүүхдүүдийг үймүүлж байгаа гэнэ. ”Хүүхдийн хүмүүжлийн эерэг арга” гэсэн нэртэй аян явуулахдаа Чингис хааныг муулсан санаа оруулж эцэг эх багш нар бол дарамтлагчид учир эрхээ хамгаалах хэрэгтэй гэх мэтээр хүүхдүүдийг эцэг эх ахмад хүмүүсийн үгийг сонсгохгүй үл тоомсорлодог хандлага руу чиглүүлдэг гэнэ. Энэ нь маш хортой болохыг анхаарах хэрэгтэй
TV-suvag bolgond l huchirhiilel, aimshig haruulsan kino, nevtruulegiig gertee suugaa huuhed bolgonii ouyun uhaand tsutgaj bna. Eh etseg ni ireedui huuhdiinhee tuluu udur shunugui ajillaj baina. Harin tedniig ajildaa yavsan hoiguur ni ar gert ni ireed huuhduudiig ni TV geer huchirhiilj bna. Hemjee hyzgaariig ni hen neg ni togtoodog tsag ireh l baigaa daa.