ШИЙДВЭР: 10 саяас дээш төлбөртэй сургуульд хувьсах зардал өгөхгүй

ТАНИЛЦ: ХУВЬСАХ ЗАРДАЛ ОЛГОХ ТУХАЙ БШУ-НЫ САЙДЫН ТУШААЛ

Боловсрол, соёл шинжлэх ухааны сайд Л.Энх-Амгалан өнөөдөр /2021.04.02/ "Хувьсах зардал ба сургалтын төлбөр" сэдвээр мэдээлэл хийлээ.

Боловсрол, шинжлэх ухааны сайдын тушаалаар ажлын хэсэг байгуулан ажиллаж, сургуулийн өмнөх боловсрол, ерөнхий боловсролын сургууль, дээд боловсролын сургалтын байгууллагад цар тахлын үед сургалтын төлбөрийн уян хатан зохицуулалт хийх, хөнгөлөлт үзүүлэх болон хувьсах зардал олгох судалгаа, санал дүгнэлтэд үндэслэсэн дараах шийдвэрүүдийг гаргажээ.

Өмчийн хэлбэр харгалзахгүй бүх шатны боловсролын сургалтын байгууллага нь суралцагчийн сургалтын төлбөрт хөнгөлөлт үзүүлэх, дараагийн төлбөрт шилжүүлэх түр журмыг мөн баталсан байна. 

ЖУРМЫН ХҮРЭЭНД

Дээд боловсролын байгууллага
 

• Төлбөрийн уян хатан нөхцөл сар улирлаар төлөх боломжтой байх,
   
• Хичээл сонголт баталгаажуулахад урьдчилан төлбөр шаардахгүй, цуцлахгүй байх,
   
• Анги дэвших, төгсөлтийн шалгалт, диплом хамгаалалтад оруулах,
   
• Дотуур байрны төлбөрийг буцаан олгох,
   
• Дараагийн төлбөрт шилжүүлэх,

10 САЯ ТӨГРӨГӨӨС ДЭЭШ ТӨЛБӨРТЭЙ СУРГУУЛЬД ОЛГОДОГ ХУВЬСАХ ЗАРДЛЫГ ХОЦРОГДОЛ АРИЛГАХ ХӨТӨЛБӨРТ ЗАРЦУУЛНА

Төрийн бус өмчийн сургууль, цэцэрлэг
 

• Төрөөс үзүүлсэн хөнгөлттэй уялдуулан сургалтын төлбөрийн хөнгөлөлт үзүүлэх,
   
• Сургалтын төлбөрийг сар улирлаар тооцон уян хатан нөхцөлөөр хангах,
   
• Хичээл сургалтад хамрагдах эрхийг төлбөр төлөөгүй шалтгаанаар хязгаарлахгүй байх,
   
• Цахим хичээлийн давтлагатай холбоотой нэмэлт төлбөр авахгүй байх,

Цэцэрлэг, ерөнхий боловсролын сургуульд хувьсах зардал олгох журам батлав. Хувьсах зардлыг олгохдоо,
 

• Теле цахим хичээлийн ирцийн гүйцэтгэл
   
• Сургалтын үйл ажиллагааг тасралтгүй зохион байгуулсан тайлан
   
• ЕБС-ийн тухайд сургалтын хөтөлбөрт хөнгөлөлт үзүүлсэн байдалд үндэслэнэ гэж тусгажээ.

НЭМЭЛТ МЭДЭЭЛЭЛ

2020-2021 оны хичээлийн жилд хувийн хэвшлийн
 

• 506 цэцэрлэгт 35292 хүүхэд
• 167 сургуульд 8338 сурагч
• 68 их, дээд сургуульд 70499 оюутан суралцаж байна.

Хувийн хэвшлийн ерөнхий боловсролын сургуулийн төлбөр
 

• 1 сая хүртэлх төлбөртэй 28 
• 1-5 сая хүртэлх төлбөртэй 110 
• 5-10 сая хүртэлх төлбөртэй 17
• 10 саяас дээш төлбөртэй 12 сургууль байна.                 

Нийт хувийн өмчийн сургуулийн 23 хувь нь буюу 39 сургууль орон нутагт үйл ажиллагаа явуулж байна. Тэдний сургалтын төлбөрийн дундаж 1,7 сая төгрөг байна. 

Улаанбаатар хотод үйл ажиллагаа явуулдаг ерөнхий боловсролын сургуулиудын дундаж төлбөр 3,8 сая төгрөг бол цэцэрлэгийн дундаж төлбөр 1,8 сая төгрөг байна.

Цар тахлын нөхцөл байдлын үед бүх шатны боловсролын байгууллага бусад аж ахуйн нэгжийн нэгэн адил төрөөс үзүүлж буй тусламж, дэмжлэгт тэгш хамрагдаж байна. НДШ-ийн хөнгөлөлт, чөлөөлөлт, эрчим хүчний хэмнэлтийг жишээ болгож болно.

2020-2021 оны хичээлийн жилд дээд боловсролын байгууллагад зориулж гаргасан журам

1. Оюутны хөгжлийн зээлийг мэргэжил чиглэл харгалзахгүйгээр олгохоор болов

2. Сувилагч мэргэжлээр элссэн суралцагчийн тэтгэлэгт хамрагдах боломжийг нэмэгдүүлж ЭЕШ-ын босго оноог өөрчлөв.

3. Төрийн бус өмчийн боловсрол сургалтын байгууллагад сувилагч мэргэжлээр суралцагчдад сургалтын төлбөрийн тэтгэлэх олгохоор болсон.
 

БИЧЛЭГ ҮЗЭХ