Ахмад багш Ч.Янжмаа "Алтангадас" одонгоор шагнагдлаа

Ахмад багш Ч.Янжмаа Монгол Улсын Ерөнхийлөгчийн зарлигаар "Алтангадас" одонгоор шагнагдсаныг өнөөдөр (2021.04.02) нийслэлийн Засаг даргын орлогч З.Төмөртөөмөө түүнд гардуулж, баяр хүргэлээ. 

Боловсролын салбарт 38 дахь жилдээ тасралтгүй ажиллаж байгаа Ч.Янжмаа багш Говь-Алтай аймгийн Чандмань сумын дунд сургуульд 12 жил, Нийслэлийн 31-р дунд сургуульд 22 жилийн хугацаанд ажилласан бол сүүлийн гурван жилд “Хишиг” бүрэн дунд сургуульд багшлан, эрдэм, оюунаа түгээж яваа, ачлалт багш юм. 

Төрийн эрхэм одонгоор шагнагдсан танд баяр, мянга мянган шавь нарынх нь өмнөөс талархал илэрхийлье.