Нэг удаагийн амны хаалтнаас хөгц, мөөгөнцөр ИЛРЭЭГҮЙ

2021 оны 04 сарын 07


Дархан-Уул аймагт нэг удаагийн амны хаалтны ариун чанарт төлөвлөгөөт бус шалгалт хийлээ.

МХЕГ-ын даргын баталсан 2021 оны 01/55 дугаартай удирдамж, Аймгийн онцгой комиссын хурлаас өгсөн үүрэг даалгаврын дагуу эмийн сангуудад худалдаалагдаж буй нэг удаагийн амны хаалтны ариун чанарт төлөвлөгөөт бус шалгалт хийжээ.

Шалгалтад 8 эмийн санг хамруулж, шинжилгээний бичиггүй худалдан борлуулж байсан БНХАУ-д үйлдвэрлэгдсэн нэг удаагийн амны хаалт, Монгол Улсын “Нахиа” эмийн үйлдвэрт үйлдвэрлэгдсэн нэг удаагийн амны хаалтнаас тус тус дээж авч, 4 үзүүлэлтээр шинжлүүлжээ.

Шинжилгээгээр хөгц, мөөгөнцөр, колиформ бактери, Staphylococcus aureus, Pseudomonas aeruginosa илрээгүй, “Эрүүл мэндийн зориулалттай нэг удаагийн хэрэгсэл” 2-р хэсэг “Амны хаалт техникийн шаардлага” MNS 6623-2:2016 стандартын шаардлагыг хангаж байна гэж Дархан-Уул аймгийн Онцгой комиссоос мэдээллээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
мөнхийн тун (202.9.46.196)  2021 оны 04 сарын 07

Шавж илрээгүй юу шинжлээгүй юу гэрийн нөхцөлд ууранд тавихад чийг авмагц томруулдаг шилээр яг л туузан авшалдай хөдөлж байна ЯАХ ВЭ

0  |  0
Top