Сэлэнгэ мөрөнд осолдсон нэг иргэний цогцсыг гаргав

Хөвсгөл аймгийн Тосонцэнгэл сумын Тээл багийн “Тэгш булан” гэдэг газар Сэлэнгэ мөрөнд долоон хүн осолдсон харамсалтай хэрэг энэ сарын 21-нд гарсан.

Ослын голомтод ажиллаж байгаа эрэн хайх багийнхан энэ сарын 23-нд усанд осолдсон гурван иргэний цогцсыг олж, Цагдаагийн байгуулагад хүлээлгэн өгсөн.

Тэгвэл өчигдөр /2021.04.24/ 14:12 цагт осолдсон газраас зүүн урагш 53 км-т “Цацын булан” гүүрний доод талаас Улаанбаатарын хотын Хан-Уул дүүргийн харъяат иргэн У/38 настай, эмэгтэй/-ийн цогцсыг олж, холбогдох байгуулагад хүлээлгэн өглөө.

Эрэн хайх ажиллагаа үргэлжилж байна гэж Онцгой байдлын ерөнхий газраас мэдээллээ.