Усны ослоос 3 настай хүүхдийг ээжийнх нь хамт аварчээ

Налайх дүүргийн 6 дугаар хороо, “Өнөр" амралтын газрын урд голд Ланд-100 маркийн автомашин усанд живж, дотор нь хоёр иргэн гацаж, усанд осолдох нөхцөл байдал үүссэн тухай дуудлагын дагуу Налайх дүүргийн Онцгой байдлын хэлтсийн дарга, хурандаа Л.Чинбатаар ахлуулсан аврах бүлгийн 9 албан хаагч ослын газар ажиллажээ.

Ослын газар очиход 37 настай иргэн Г, 3 настай Э нар машинд гацсан, эрэг рүү гарах боломжгүй болсон байдалтай байсныг шуурхай аврах ажиллагаа зохион байгуулж, хоёр иргэнийг аварлаа гэж Налайх дүүргийн Онцгой байдлын хэлтсээс мэдээллээ.