Энэ сарын 26-нд бүх нийтээр амарна
Бурхан багшийн Их дүйчин өдөр буюу Билгийн тооллын зуны тэргүүн сарын шинийн 15-ныг нийтээр тэмдэглэх баярын өдөр болгон бүх нийтээр амрахаар 2019 онд хуульчилсан.
Бурхан багшийн Их дүйчин өдөр тавдугаар сарын 26-нд тохиж байна. Иймд лхагва гарагт бүх нийтээр амрах нь.
Тухайн өдөр сар хиртэх бөгөөд уг үзэгдэл 1 цаг гаруй үргэлжлэх аж.
Монгол Улс ёс суртахуунлаг өдөртэй болж, эх дэлхийгээ хайрлах, эцэг эх, үр хүүхэд гэр бүлээ энэрэн асрах, буян нүглээ эргэцүүлж, нигүүлсэнгүй байхад чиглэн энэхүү хуулийг баталжээ.
"Энэ өдөр буян хурааж, сайн үйл хийхэд буян арвиждаг гэж үздэг учраас хүн бүр сэтгэлээ ариун байлгаж, буян хураах үйлд оролцдог байна.
Бурхан багш энэрэл хайр, нигүүлсэл түгээн дэлгэрүүлж, ертөнцийн бодит оршин тогтнолыг одоогийн шинжлэх ухаан байгаагүй үед тайлбарлан номложээ.
Холбоотой мэдээ
Сэтгэгдэл ( 0 )