Айл өрхүүдэд модны суулгацыг өгөхдээ давхар гэрчилгээ олгож хянана
“Өрх бүр хашаандаа мод тарья” аяны нээлт өчигдөр /2021.05.15/ боллоо. Аяны нээлтийн ажиллагаанд Байгаль орчин, аялал жуулчлалын сайд Н.Уртнасан, УИХ гишүүн Б.Жаргалмаа болон албаны бусад хүмүүс оролцлоо. Бүх нийтээрээ мод тарих үндэсний өдрийг 22 дахь удаагаа зохион байгуулж байгаа.
Жил бүр мод тарьдаг ч арчилгаа, усалгаа, ургалтыг анхаарах нь нэн чухал гэдгийг салбарын сайд онцолсон юм. Иймээс энэ жил 14 төрлийн модны 25000 суулгацыг айл өрхөд хүлээлгэн өгөхдээ давхар гэрчилгээ олгож хянахаар болжээ.
Н.Уртнасан БОАЖ-ын сайд “Өрх бүр хашаандаа мод тарья” аян 5 дугаар сарын 15-наас 22-ны өдрүүдэд үргэлжилнэ. Дүүрэг бүрийн сонгогдсон байршлын айл өрхүүдэд суулгац болон шаардлагатай шороо, элс, бордоо зэргийг хүргэх, зааварчилгаа өгөх ажлыг нийслэлийн Засаг даргын тамгын газраас зохион байгуулж байна. Мод тарих айл өрхийг сонгохдоо тухайн хорооны нутаг дэвсгэрийн дахин төлөвлөлтийн хугацаа байршил зэргээс харгалзаж үзжээ.
Өнгөрсөн хугацаанд бүх нийтээр мод тарих өдрөөр 13.7 сая гаруй мод тарьсан. Гэвч тарьсан мод бүр ургадаггүй туршлага бий. Иймд арчилгаа, усалгаа, хамгаалалтыг сайжруулан, амьдралтын хувийг нэмэгдүүлэх шаардлагатай байгаа учир тарьсан мод нь эзэнтэй байх үүднээс энэ жил өрх бүрийн хашаанд тарих нь чухал гэж үзсэн байна.
Өрх бүр хашаандаа мод тарьснаар агаар цэвэршүүлэх, орчны бохирдол, дуу чимээг бууруулах, экологийн боловсролыг дээшлүүлэх зэрэг давуу талуудыг бий болгож эрүүл, ая тухтай амьдрах орчин бүрдэх юм.
Эх сурвалж: БОАЖЯ
Холбоотой мэдээ
Сэтгэгдэл ( 2 )
Хаана яаж айлаа сонгож шийдээд мод тараагаад байгаан! Бас л хөрөнгө мөнгө барж идэх ажил.айлаа хэн хаанаас яаж сонгож бна????
Baigal orchnii said ni ingeed Zurgaa avahuulaad teklamdaad yvahaar bodlogoo zuv bolovsruulah undsen ajlaa hii l de. Chadkui l dee huurhii, mod taraahaas uur ajil chadkui.