БНТУ-ын Гамшиг, онцгой байдлын удирдлагын газраас Дундговь аймагт мөнгөн тусламж үзүүллээ

ОБЕГ-ын дарга, хошууч генерал Г.Ариунбуян Бүгд Найрамдах Турк Улсаас Монгол Улсад суугаа Онц бөгөөд Бүрэн эрхт Элчин сайд эрхэмсэг ноён Зафер Атешыг хүлээн авч уулзлаа.

Уулзалтын үеэр хоёр орны гамшгаас хамгаалах салбар дахь харилцаа, хамтын ажиллагааны чиглэлээр хийж хэрэгжүүлсэн ажлын талаар болон цаашид уг харилцааг хэрхэн өргөжүүлэн хөгжүүлэх талаар санал солилцов.

Түүнчлэн 2021 оны гуравдугаар сард болсон цасан болон шороон шуурганы улмаас хохирол амссан Дундговь аймагт БНТУ-ын Гамшиг, онцгой байдлын удирдлагын газраас хандивлаж буй мөнгөн тусламжийг Элчин сайд гардуулан өглөө гэж Онцгой байдлын ерөнхий газраас мэдээллээ.