ОХУ: АНУ химийн зэвсгээ устгах үйл явцыг удаашруулж байна

Вашингтон химийн зэвсгээ устгах үйл явцыг удаашруулах эрмэлзэлтэй байна гэж АНУ дахь Оросын Элчин сайдын яамнаас мэдэгджээ.

ОХУ-ын Элчин сайдын яамнаас “АНУ химийн зэвсгийнхээ үлдсэн 3 хувийг устгах үйл явцыг санаатайгаар удаашруулсан. Энэ зэвсэг нь дэлхийд онц аюултай хэвээр байна. Бид АНУ-д бүх химийн зэвсгээ устгахыг уриалж байгаа” гэж мэдэгджээ.

ОХУ 2017 онд химийн зэвсгийн бүх нөөцөө устгасан гэж уг мэдэгдэлд өгүүлсэн байна.

Оросын Батлан ​​хамгаалах яам гуравдугаар сарын 10-нд цэргийн биологийн судалгааг санхүүжүүлэх, явуулахад Пентагон тэргүүлж байсныг нотолсон мэдээлэл авсан гэсэн билээ. ОХУ Биологийн болон хорт зэвсгийг хориглох тухай конвенцын дагуу Украин дахь биолабораторийн асуудлыг шалгахыг шаардаж байгаа юм.