Хөгжлийн бэрхшээлтэй иргэдийг ажилд зуучиллаа

Хөгжлийн бэрхшээлтэй хүний хөгжлийн ерөнхий газрааас Нийслэлийн Хөдөлмөр эрхлэлтийн газартай хамтран сар бүрийн 15-нд хөгжлийн бэрхшээлтэй иргэдийг ажилд зуучлах, өдөрлөг арга хэмжээг уламжлал болгон зохион байгуулан ажиллаж байна.

Тавдугаар сарын арга хэмжээг “Дүнжингарав” нэг цэгийн үйлчилгээний төвд 2022 оны тавдугаар сарын 17-ны өдөр зохион байгуулав.

Тус арга хэмжээнд ажил идэвхтэй хайж буй 20 гаруй хөгжлийн бэрхшээлтэй иргэн, ажил олгогч 9 аж ахуйн нэгж, байгууллага оролцов. Мөн ганцаарчилсан сэтгэл зүйн зөвлөгөө, хөдөлмөрийн аюулгүй байдал, эрүүл ахуй, хөдөлмөрийн харилцааны талаарх зөвлөгөө мэдээллийг өгч ажиллав.