Ерөнхий сайд Л.Оюун-Эрдэнэ ӨМНӨГОВЬ аймагт ажиллана

Т.Давааням | Zindaa.mn
2022 оны 05 сарын 26

Ерөнхий сайд Л.Оюун-Эрдэнэ тавдугаар сарын 26, 27-нд Өмнөговь аймагт ажиллана. Тэрбээр нүүрсний уртын тээврийн нээлтэд оролцох юм.

Шивээхүрэнгийн боомтын нүүрс тээвэр өчигдөр /2022.05.26/ эхэлсэн. Ковидын улмаас долоон сар хаалттай байсан боомтоор БНХАУ-ын талаас өдөрт 120 чингэлэг нүүрс гаргах квот өгсөн юм.

Уул уурхайн компаниуд ээлжлээд нүүрс экспортлохоор хуваарь гарган, ажиллаж байгаа аж. Боомтод шинэчлэл хийснээр нүүрсний экспорт хоёр дахин нэмэгдэнэ гэж төлөвлөж байна. 

Шивээнхүрэн боомтоор нүүрсний экспорт хийж байгаа уул уурхайн компанийн бүх жолооч бөмбөлөгт орсон. Манай талаас ПСР болон түргэвчилсэн тест авахгүй нэвтрүүлнэ. Харин БНХАУ-ын талаас 2-3 хоног тутамд түргэвчилсэн тест авахаар төлөвлөж байна. 

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top