Гал үндэстэн холбооныхныг УИХ-ын гишүүн Г.Баярсайхан, Г.Одхүү нар батлан даалтанд авчээ

Бусдын эд хөрөнгийг санаатай устгасан, галт зэвсэг хууль бусаар хэрэглэсэн хэрэгт буруутгагдаж арав  гаруй хоног цагдан хоригдоод байсан “Гал үндэстэн” холбооны Удирдах зөвлөлийн гишүүн Ц.Мөнхбаяр О.Самбуу-Ёндон, Г.Төмөрбаатар, М.Баатархуяг нарыг наадмын өмнө батлан даалтанд гаргажээ.
Тэднийг урт нэртэй хуулийг санаачлагч, АН-ын бүлэг дэх “Урт нэртэй” хуулийн ажлын хэсгийн ахлагч, УИХ-ын гишүүн Г.Баярсайхан болон УИХ-ын гишүүн Г.Одхүү нар гарын зурж, батлан даалтанд авчээ. Харин  Г.Болдбаатар, Г.Дашдэмбэрэл, Ц.Энхбаяр нарыг жагсаал цуглаан зохион байгуулахдаа эрх бүхий байгууллагын зөвшөөрөл  аваагүй гэх үндэслэлээр 30 хоногийн хугацаатай албадан саатуулаад байсан ч Г.Болдбаатарын бие муудаж эмнэлэгт хүргэгдсэн бол  Г.Дашдэмбэрэл, Ц.Энхбаяр нар өлсгөлөн зарлаж, бие нь муудсанаас Чингэлтэй дүүргийн эмнэлэгт хүргэгджээ.
    Д.Билгүүн.    
    Zindaa.mn – Үндэсний чөлөөт мэдээллийн портал