Бие нь хүний хагас, билэг нь оюуны хагас, бичсэн юм нь галзуугийн хагас хэн бэ?

Сонгуульд ялагдчихаад, “Монголчууд бол үхэр” хэмээж, ард түмнийг доромжилдог Баабар шиг худалч, хүмүүжилгүй, өөрөөсөө бусдыг тэнэг гэж боддог сагсуу юмнууд, харийн хүний гар хөл болчихоод улс орон, ард түмнийхээ эрх ашгийг гаргуунд нь хаяж, УИХ-ын гишүүдийг дайрч доромжлоод явж байсан цаг мартагдаагүй. Үүнийхээ хариуд тэр багагүй хэл аманд өртөж, “өөдөө хаясан чулуу өөрийн толгой дээр” гэдэгчлэн, “Баабар бол бие нь хүний хагас, билэг нь оюуны хагас, бичсэн юм нь галзуугийн хагас хүн” хэмээн цоллуулсан. Гэвч тэрээр зангаа тавилгүй дуулиант “Рекет” нийтлэлээ сийрүүлсэн нь тухайн үедээ түмнийг бухимдуулсан. “Таны Рекет нийтлэлийн талаар ярилцах гэсэн юм” гэсэн сэтгүүлчийг дайрч доромжлон, “Би агуу хүчтэй хүн. Чи яасан зоригтой залуу вэ Би энэ талаар ярихгүй. Миний зиндаанд ойртсон цөөхөн хэдэн хүн бий. Тэднээс бусад хүнтэй би огт харьцдаггүй. Тэгж цагаа үрэх шаардлагагүй. Би чинь тусдаа ертөнц шүү дээ. Тар нарын хүрч чадахгүй оргилд би сууж байна. Та нар мянган жил амьдраад ч надтай зэрэгцэхгүй. Та нар надаас тийм дорой гэдгээ ойлгох нас хүрэхгүй. Өөр хүнд зориулж бичсэн юм. Энэ нийгэм хүмүүсийг би байлдан дагуулах болно, хараарай. Миний үр хүүхэд, ач гуч нар цэвэр нийгэмд амьдарч байхын тулд би нийгмийг цэвэрлэнэ. Би чинь агуу хүчтэн шүү дээ. Та нар нийгэмд ашигтай л даа. Гэхдээ та нарын үгээр нийгэм цэвэршихгүй. Огт өөр хүнээр, НАДААР нийгэм цэвэрших ёстой байхгүй юу…” хэмээн цамнаж байсан Баабартан өнөөдөр нийгэмд цэвэрлүүлсэн бололтой. Эсвэл “эрийг нас уулыг цас” гэгчээр номхорч, насны буянаа эдлэн байна уу.

Д.Сэндэр.

Zindaa.mn-Үндэсний чөлөөт мэдээллийн портал