Нарны зам өнөөдөр нээгдэнэ

Улаанбаатарын зүүн хэсгийн үерийн хамгаалалт, далангийн шинэчлэл, Улиастай, Шархадны автобусны эцсийн буудлуудад барьж буй цогцолборуудын ажлын явцыг хотын дарга өчигдөр шалгав.
Усархаг борооны дараа асуудал үүсч байдаг Баянзүрх дүүргийн 13 дугаар хорооны нутаг дэвсгэр буюу "Сүнжин гранд" зочид буудал орчимд шинээр үерийн ус зайлуулах хоолой татаж, "Өгөөмөр" захын зүүн эргийн даланг урагш нь төмөр зам доогуур нэвтлэх ажлыг хийж эхлээд байна. Мөн "Сүнжин гранд" зочид буудлын баруун талын даланг урагш нь сэтэлж, зам доогуур гаргах хэсгийн ажил ч өнөөдөр дуусч, замын хөдөлгөөнд саадгүй болохоор төлөвлөжээ. Замыг яаралтай чөлөөлөх ажил аравдугаар сарын 1 гэхэд дуусах юм. Эдгээр ажлын зарим хэсэгт газрын асуудал гарч байгаа талаар хотын дарга сонсоод, олон хүний амь настай холбоотой, иргэдээ хамгаалахаар хот төлөвлөлтийн дагуу хийж буй ажил гэдгийг сайтар ойлгуулж, ямар нэгэн саадгүйгээр ажлаа төлөвлөгөөний дагуу чанартай, шуурхай гүйцэтгэхийг даалгасан юм.

Эх сурвалж: Зууны мэдээ сонин