Трамп анхны гадаад айлчлалаа Саудын Арабаас эхэлнэ

АНУ-ын Ерөнхийлөгч Доналд Трамп хоёр дахь бүрэн эрхийнх хугацааны анхны гадаад айлчлалаа ирэх тавдугаар сард Саудын Арабаас эхлэхээр болжээ.

Цагаан ордны тэргүүний энэхүү шийдвэр нь АНУ, Персийн булангийн орнуудын харилцаа, ялангуяа эдийн засгийн хамтын ажиллагаа, хөрөнгө оруулалтын салбарт ихээхэн бэхжиж буй харуулж байна гэж ажиглагчид үзэж байна. Эх сурвалжийн мэдээллээр, айлчлалын товыг дөрөвдүгээр сарын 28-нд гэж тогтсон байсан ч хожим нь тавдугаар сарын дунд үе хүртэл хойшлуулжээ. Талууд хэлэлцээний үеэр гаднын хөрөнгө оруулалт, Персийн булангийн орнуудтай харилцаагаа бэхжүүлэх, Ойрх Дорнодод мөргөлдөөнийг зогсоох тухай асуудалд гол анхаарлаа хандуулахаар төлөвлөж байна.

Саудын Арабын тал ОХУ, Украин хоёр гал зогсоох тохиролцоонд хүрсний дараа тус айлчлалыг зохион байгуулах сонирхолтой байгаа гэж эх сурвалж дурджээ.