Түймрийн зургаан дуудлага иржээ

Цагдаагийн Ерөнхий газрын Мэдээлэл шуурхай удирдлагын төвийн 101,105 тусгай дугаарын утсанд энэ сарын 15-ны өдрийн 09.00 цагаас 16-ны өдрийн 09.00 цагийн хооронд иргэд, аж ахуйн нэгж байгууллагаас нийт 460 удаа холбогджээ. Эдгээрээс объектын гал түймрийн зургаа, аврах ажиллагааны хоёр дуудлага ирсэн байна.

Харин102 тоот утсанд иргэд байгууллагаас нийт 2007 удаа холбогдсоноос гэмт хэрэг, зөрчлийн тухай 702 мэдээллийг хүлээн авч шалгажээ. Үүнээс гэмт хэргийн шинжтэй 29 үйлдэл бүртгэгдсэнээс эзэн холбогдогч тогтоогдсон 26, илрээгүй гурван хэргийг шалгаж байгаа аж.

Х.Даваа