Яаралтай тусламжийн төв амралтын өдрүүдэд ачаалалтай ажиллажээ

Нийслэлийн Яаралтай тусламжийн төвд өчигдөр 14.30 цагийн байдлаар иргэдээс 632 дуудлага иржээ. Үүнээс яаралтай тусламж үзүүлэх шаардлагатай гэж үзсэн 133-т нь тус төвийн эмч нар очиж анхны тусламж үзүүлсэн байна. Бусад өдрүүдтэй харьцуулахад ачаалал ихтэй ажиллажээ. Энэ нь ням гаригт өрхийн эмнэлгүүд амардагтай холбоотой гэнэ. Ирж байгаа дуудлагын дийлэнх хэсэг нь зүрх өвдсөн, даралт ихэссэн гэх өвчлөл зонхилжээ. Иргэдэд яаралтай эмнэлгийн тусламж үзүүлэхийн тулд Нийслэлийн Яаралтай тусламжийн төвийнхөн 15 эмч, мөн тооны жолооч ажиллаж байна гэсэн мэдээлэл тус төвөөс ирлээ.