”Тал хээрийн ариранг” тоглолт БНСУ-ын соёл урлагийг мэдрүүлнэ

Солонгосын соёл урлагийн ертөнцийн гайхамшгийг Монголын үзэгчдэд мэдрүүлэхээр БНСУ-ын үндэсний театрын алдарт 12 уран бүтээлч ирэх сарын 6-нд ҮДБЭЧ-ын урилгаар Монголд зочлох гэж байна. Тэд “Тал хээрийн ариранг” хэмээх тоглолтоороо үндэсний болон орчин үеийн хөгжим бүжгийн хөтөлбөрүүдээс гадна багахан хэмжээний үзэсгэлэн зохион байгуулах аж. Мөн ҮДБЭЧ-ын уран бүтээлчидтэй хамтарч олон сонирхолтой арга хэмжээ, шоу тоглолт хийхээр төлөвлөжээ.