Цахим үнэмлэхийг олгож эхэллээ

Улсын бүртгэлийн ерөнхий газраас цахим үнэмлэх олгох талаар мэдээлэл өглөө. Тэд цахим үнэмлэхийг энэ сарын 1-нээс буюу өчигдрөөс эхлэн олгож эхэлжээ.

Ингэснээр аравдугаар сард болохоор товлогдсон орон нутгийн сонгуулиас өмнө иргэдийн үнэмлэх шинэчлэх ажил дуусч, иргэд цахим үнэмлэхтэй болох юм. УИХ-ын сонгуулиас өмнө иргэний үнэмлэхээ хаяж үрэгдүүлсэн болон шинээр авах, лавлагаатай иргэдэд цахим үнэмлэх олгохоор шийдвэрлэсний дагуу 29 мянган үнэмлэхийг олгожээ.

Одоогийн байдлаар Говь-Алтай, Дундговь, Говьсүмбэр, Хэнтий, Дорноговь, өмнөговь, Завхан, Ховд, Увс, Дорнод гэсэн арван аймгийн иргэдийн цахим үнэмлэхийг хэвлэчихээд Сүхбаатар аймгийн иргэдийн үнэмлэхийг хэвлэж байгаа гэнэ.

Х.Даваа